SKÝRSLAN: Þrjú mikilvæg stig í toppbaráttunni
Hvað réði úrslitum?
Færanýtingin í leiknum. Þór/KA fær fá færi í leiknum en nýta þau sem þær fengu. Selfoss kom sér í álitlegar stöður en náðu ekki að gera sé meira mat úr því.
Bestu leikmenn
1. Allyson Paige Haran - Selfoss
Var rosalega góð í miðverðinum hjá Selfoss. Leikmenn Þór/KA komust lítið áleiðis þegar komið var fram á síðasta þriðjunginn gegn mjög skipulögðu Selfoss liði með Allyson í fararbroddi
2. Ariana Calderon - Þór/KA
Fín á miðjunni hjá Þór/KA, ekki besti dagur liðsins. Örugg í sínum aðgerðum og gerði lítið af mistökum.
Atvikið
Fyrsta mark leiksins sem kom á fjórðu mínútu. Það minnkaði pressuna á Þór/KA að ná inn marki. Selfoss var mjög skipulagt og flott í leiknum og gaf fá færi á sér. Leikplan Selfoss gekk nánast fullkomlega upp fyrir utan þetta mark sem þær fá snemma á sig.
Hvað þýða úrslitin?
Þór/KA fer á toppinn í bili en Breiðablik á leik til góða gegn FH á morgun. Selfoss er áfram í sjötta sæti með 16 stig, þær eiga mjög mikilvægan leik gegn HK/Víking í næstu umferð.
Vondur dagur
Ég get ekki með góðu móti sett neinn leikmann í þennan dálk í dag. Það hefðu allir verið til í sól en hún lét ekki sjá sig, hendum henni hér inn.
Dómarinn - 7
Þetta var ekki erfiður leikur að dæma, Ragnar Þór gerði nokkuð vel. Það var tvisvar í leiknum sem ég bjóst við að hann myndi lyfta upp gula spjaldinu en sleppti því annars heilt yfir góður í sínu.