SKÝRSLAN: FH með flugeldasýningu þegar þeir pökkuðu KR saman í Krikanum!
Hvað réði úrslitum?
Sóknarnýting FH var gríðarlega góð í dag, þeir lágu undir mikilli pressu eftir að hafa komist í 1-0 en svo skora þeir annað markið rétt fyrir hálfleik og klára þennan leik svo 3-0 í upphafi seinni hálfleiks og KR-ingar voru aldrei líklegir í seinni hálfleiknum. Það var svo Þórir Jóhann Helgason sem kláraði leikinn rúmri mínútu eftir að hann kom inná og 4-0 sigur staðreynd!
Bestu leikmenn
1. Jákup Thomsen
Loksins fengum við að sjá af hverju FH náði í þennan strák í glugganum. Var algjörlega frábær í dag, skoraði eitt mark og lagði upp annað og var að fara mjög illa með vörn KR-inga.
2. Robbie Crawford
Robbie Crawford var mjög öflugur á miðjunni í dag, skoraði svo tvö mörk, það seinna var einkar fallegt!
Atvikið
Markið hjá Þóri Jóhanni Helgasyni. Þórir er fæddur árið 2000 og kom inná í sínum fyrsta leik fyrir Fimleikafélagið á 84.mínútu og skoraði sitt fyrsta mark fyrir félagið á þeirri 86. við mikinn fögnuð FH-inga!
Hvað þýða úrslitin?
Þessi úrslit galopna Evrópubaráttuna þar sem FH jafna KR af stigum og minnka markatöluna í aðeins 2 marka mun. KR er í 4.sætinu með 30 stig og 8 í markatölu og FH í 5.sæti með sama stigafjölda og 6 í markatölu.
Vondur dagur
Aron Bjarki Jósepsson var afleitur í vörn KR í dag, hann var mjög ólíkur sjálfum sér, leit út eins og amatör í markinu hjá Thomsen þar sem hann labbaði framhjá honum og skoraði. Síðan var hann næstum því búinn að skora sjálfsmark sem endaði með að Þórir skoraði 4. mark FH. Maður er ekki vanur því að sjá Aron spila svona leik.
Dómarinn - 9
Þóroddur dæmdi þennan lek gríðarlega vel, hélt sömu línu allan leikinn og allar þær ákvarðanir sem ég sá voru hárréttar.