SKÝRSLAN: Keflavík sendir Fylkiskonur undir rauðu línuna
Hvað réði úrslitum?
Gæðin sem Sveindís Jane Jónsdóttir býr yfir kláraði þennan leik fyrir heimakonur. Úrslitin í raun aldrei í hættu og með öllu verðskuldaður.
Bestu leikmenn
1. Sveindís Jane Jónsdóttir
Stórkostleg í kvöld. Fylkir réði ekkert við hana og var hún lang hættulegasti leikmaður leiksins. Gæðin í þessari stelpu eru ótrúleg. Mark og stoðsending í dag.
2. Natasha Moraa Anasi
Akkeri í liði Keflavíkur. Ekkert sem fór framhjá fyrirliðanum í kvöld og komst frábærlega frá sínu.
Atvikið
Annað markið.
Þessi sprettur hjá Sveindísi Jane og hvernig hún kláraði svo dæmið var framúrskarandi.
Hvað þýða úrslitin?
Keflavík lyftir sér upp fyrir rauðu línuna og skilja Fylkisstúlkur eftir undir henni.
Vondur dagur
Erfitt að skella skuldinni á einhverja eina en Fylkisliðið í dag átti ekkert sérstakan leik sem heild og fær því þennan vafasama heiður sem heild. Ekki hægt að pikka einhverja einstaklinga út sérstaklega.
Dómarinn - 7
Heilt yfir flottur leikur hjá Steinari og hans liði.