SKÝRSLAN: Mikilvægur sigur fyrir Augnablik
Hvað réði úrslitum?
Augnabliksstúlkur mættu bara mun betur tilbúnar í fyrrihálfleikinn. Skagastúlkur virtust bara alls ekki tilbúnar í leikinn í upphafi og þeim var bara refsað fyrir það.
Bestu leikmenn
1. Bergþóra Sól Ásmundsdóttir
Skapaðist hætta í hvert skipti sem hún fékk boltann en því miður fyrir Augnablik lokaði ÍA vel á hana í þeim síðari
2. Telma Ívarsdóttir
Var virkilega örugg í markinu og stýrði liðinu sínu mjög vel
Atvikið
Víti eða ekki víti. ÍA virtist eiga að fá víti undir lok leiks sem hefði geta tryggt þeim eitt stig út úr þessum leik sem hefði verið betra en ekki neitt
Hvað þýða úrslitin?
Með þessum sigri kemst Augnablik upp fyrir ÍA og upp í fimmta sætið. Einnig komast þær lengra frá fallbaráttunni með þessum sigri.
Vondur dagur
Í raun var þetta vondur dagur fyrir stóran part af liði Skagastúlkna, þ.e.a.s. í fyrri hálfleik. Seinni hálfleikur hjá þeim var mun betri en Augnabliks liðið er vel skipulagt og komst Skagaliðið ekki til baka eftir dapran fyrri hálfleik.
Dómarinn - 5
Átti heilt yfir ágætisleik