SKÝRSLAN: Besti árangur KA í efstu deild í 17 ár
Hvað réði úrslitum?
KA var töluvert sterkari aðilinn í leiknum þótt að Fylkir hafi átt sýna spretti. Miðja Fylkis var oft á tíðum í einhverjum skógarhlaupum og oftar en ekki greið leið í gegnum hana sem KA menn notfærðu sér. Svo bara þetta klassíska, KA skoraði fleiri mörk.
Bestu leikmenn
1. Elfar Árni Aðalsteinsson
Elfar Árni hefur verið virkilega öflugur fyrir KA, sérstaklega í síðustu leikjum og það var enginn breyting á í dag. Hann skorar þrennu fyrir liðið og er meðal markahæstu manna deildarinnar með 13 mörk eftir sumarið.
2. Nökkvi Þeyr Þórisson
Nökkvi kom inn á þegar tuttugu mínútur voru búnar af leiknum. Sá var góður! Mikill hraði í honum sem varnarmenn Fylkis voru í miklu basli með. Á sömuleiðis eina stoðsendingu í leiknum.
Atvikið
Fjórða mark KA. Fylkir var búið að vera hóta jöfnunarmarki í lokinn. Leikmenn KA og stuðningsmenn ekki búnir að gleyma jöfnunarmarki HK í síðasta heimaleik úr síðustu spyrnu leiksins. Fögnuðurinn var því eftir því þegar Elfar Árni lokaði leiknum í uppbótartíma.
Hvað þýða úrslitin?
KA klárar tímabilið í 5. sæti en það er einn besti árangur KA í efstu deild. Fylkir klárar mótið á svipuðum slóðum og í fyrra eða í 8. sæti.
Vondur dagur
Helgi Valur gerist sekur um dýr mistök í þriðja markinu sem KA skorar. Miðja Fylkis var líka oft á tíðum galopinn og í tómu veseni.
Dómarinn - 9
Mér fannst Helgi standa sig með stökustu prýði. Tók ekkert eftir honum í leiknum og þannig á það einmitt að vera.



