SKÝRSLAN: Stólarnir eru ekkert að grínast
Hvað réði úrslitum?
Eftir jafnan fyrri hálfleik þar sem báðum liðum gekk illa að halda boltanum og byggja upp spil náði Tindastóll betri tökum á leiknum. Öflugur leikkafli hjá þeim skilaði marki og Stólunum leið vel með forystuna. Gátu legið til baka og ógnað með skyndisóknum. Þær gerðu svo út um leikinn með einni slíkri á lokamínútunum. Heilt yfir verðskuldaður sigur.
Bestu leikmenn
1. Aldís María Jóhannsdóttir
Mark og stoðsending frá Aldísi í dag. Hún er búin að koma öflug til leiks þetta tímabilið og það verður gaman að fylgjast með henni í sumar.
2. Laufey Harpa Halldórsdóttir
Toppleikur hjá vinstri bakverðinum. Lét til sín taka bæði varnar- og sóknarlega og kórónaði góðan leik með því að skora þriðja mark Tindastóls.
Atvikið
Draumamark Rutar Kristjáns. Hún tók boltann á lofti og skilaði honum í netið eftir fyrirgjöf Brynhildar Völu. Sannkallað augnakonfekt.
Hvað þýða úrslitin?
Tindastóll er með 7 stig í 2. sæti deildarinnar. Jafnmörg stig og topplið Keflavíkur en lakari markatölu. Stólunum langar upp um deild og liðið hefur sýnt það með sannfærandi frammistöðu í upphafi móts. Víkingar sitja hinsvegar áfram í 7. sæti og halda áfram að leita að fyrsta deildarsigri sumarsins.
Vondur dagur
Það átti enginn leikmaður sérstaklega slæman leik í kvöld. Bæði lið fengu aragrúa auka- og hornspyrna sem ekkert varð úr. Hendum vonda deginum á föstu leikatriðin í heild sinni.
Dómarinn - 8
Mjög fín frammistaða hjá tríóinu.