SKÝRSLAN: Sigurhrina ÍBV heldur áfram
Hvað réði úrslitum?
Færanýting liðanna var það sem réði úrslitum. Þróttur fékk haug af færum en náði ekki að nýta á meðan ÍBV náði að nýta tvö af sínum.
Bestu leikmenn
1. Fatma Kara
Var virkilega góð á miðju ÍBV. Hún stjótnaði spilinu vel og svo skoraði hún líka annað mark ÍBV sem gerði út um leikinn.
2. Auður Sveinbjörnsdóttir Scheving
Átti margar virkilega góðar og mikilvægar vörslur í dag, sérstaklega þær sem hún átti í stöðunni 0-0 og 0-1.
Atvikið
Seinna mark ÍBV gerði út um leikinn. Þróttur var vel inn í leiknum í stöðunni 1-0 en eftir að ÍBV tvöfaldaði forrystuna var eins og slökkt hefði verið á Þrótturum.
Hvað þýða úrslitin?
Með sigrinum komust ÍBV stúlkur upp í 4.sæti með 12 stig og eru þær búnar að vinna þrjá leiki í röð í deildinni. Þróttur er hins vegar komnar niður í 8.sæti með jafn mörg stig og KR sem er í 9.sæti en KR á tvo leiki til góða á Þrótt.
Vondur dagur
Nánast allt lið Þróttar átti ekki góðan dag. Eina undantekningin þar er Agnes í marki Þróttar sem bjargaði þeim nokkrum sinnum. Annars voru of margar sendingar hjá Þrótti sem rötuðu ekki á samherja og of mörg dauðafæri sem þær nýttu ekki.
Dómarinn - 7
Leyfði leiknum að fljóta vel