SKÝRSLAN: María braut Stjörnuhjörtu með flautumarki
Hvað réði úrslitum?
Trú Þór/KA á að ná inn jöfnunarmarknu réði úrslitum. Að mínu viti sanngjörn niðurstaða þar sem upplifunin var slík að Þór/KA átti talsvert fleiri tilraunir en fjöldi tilrauna hefur svo sem aldrei talið mikið ef að mörkin koma ekki.
Bestu leikmenn
1. Erin Katrina Mcleod (Stjarnan)
Markvörður sem maður hefur á tilfinningunni að veiti varnarlínunni öryggi og trú á því að það muni ekki koma mark í hverri sókn fyrir sig. Stýrði sínum varnarmönnum vel og var örugg í öllum sínum aðgerðum.
2. Arna Sif Ásgrímsdóttir (Þór/KA)
Arna var örugg varnarlega og ef boltinn hefði verið með henni í liði inn á vítateig Stjörnunnar hefði hún getað skorað þau nokkur í dag. Gerði mjög vel í jöfnunarmarkinu.
Atvikið
Jöfnunarmarkið. María Catharina fær boltannn við vítateiginn þegar klukkkan er að slá 92:00. María á skot í Örnu Dís og þaðan fer hann framhjá Erin í markinu. Sætt fyrir Þór/KA en 'heartbreaking' fyrir Stjörnuna.
Hvað þýða úrslitin?
Stig á hvort lið sem getur talið mikið þar sem liðin fyrir neðan Fylki í þriðja sætinu eru í ansi þéttum pakka.
Vondur dagur
Með boltann var varnarlína Stjörnunnar alls ekki góð í dag. Án bolta var hún að sama skapi mjög traust í 91 mínútu að mínu mati og lítil hætta þegar Þór/KA sótti. Pressa Þór/KA gerði Stjörnunni erfitt fyrir og orsakaði það að leikurinn var á löngum köflum spilaður inn á vallarhelmingi Stjörnunnar.
Dómarinn - 4
Kristinn átti að reka Gabby að velli með seinna gula fyrir peysutog í seinni hálfleik, skrítin ákvörðun hjá Gabby að toga í Anítu á sprettinum og hún ljónheppin að hanga inn á.