SKÝRSLAN: Blikar með flugeldasýningu í Kaplakrika
Hvað réði úrslitum?
Blikar spiluðu gífurlega skipulagðan og agaðan leik, voru eiginlega eins og kötturinn með músina þegar leið á leikinn. Það er ástæða fyrir að bilið milli liðanna er jafn mikið taflan segir og það sást í dag.
Bestu leikmenn
1. Sveindís Jane Jónsdóttir
Missti töluna á því hversu oftur hún fíflaði varnarmenn FH og skapaði hættu við teig FH-ingar. Tvær stoðsendingar og lék lykilhlutverk í fleiri mörkum Blika.
2. Agla María Albertsdóttir
Skoraði þrennu, náði vel samanvið leikmennina í kringum sig og stýrði spilinu.
Atvikið
Sonný Lára ver frá Browne um miðjan fyrri hálfleik. Hún hafði ekki mikið að gera í leiknum en var tilbúin þegar á reyndi, eins og toppmarkmenn eru. Blikar hefðu líklega alltaf klárað dæmið en það hefði verið forvitnilegt að sjá hvernig bæði lið hefðu brugðiot við ef FH hefði náð að jafna.
Hvað þýða úrslitin?
Blikar eru komnir með fimm stiga forystu á toppnum hina ótrúlegu markatölu 35:0. FH sitja enn þá á botninum og þurfa að ná í punkta einn tveir og bingó ef þær ætla að halda sér uppi, en geta leyft sér að vona að nýji leikmaðurinn Browne breyti leik liðsins.
Vondur dagur
Birta Georgsdóttir var falið að gera of mikið á miðju FH í dag og tókst ekki að leysa það verkefni og var kippt útaf eftir aðeins klukkutíma leik.
Dómarinn - 8
Auðveldur leikur að dæma og gerði það vel. Eina stóra ákvörðunin var vítið og gula spjaldið á bekkinn í kjölfarið og leysti hann það vel.