SKÝRSLAN: Fylkir tyllir sér á toppinn
Hvað réði úrslitum?
Fylkir voru klassa ofar en Fjölnir í dag strax frá upphafsflauti. Meiri ákefð og vilji í öllum þeirra aðgerðum í dag. Fyllilega verðskuldaður sigur hjá Fylki.
Bestu leikmenn
1. Þórður Gunnar Hafþórsson
Mikill kraftur í Þórði í dag og hann sótti til að mynda vítaspyrnuna sem skóp annað markið. Virkilega góð frammistaða hjá þessum unga leikmanni.
2. Ásgeir Eyþórsson
Mjög traustur varnarlega og skoraði gott mark eftir hornspyrnu.
Atvikið
Annað mark Fylkis í dag. Fjölnismenn voru nýbúnir að jafna leikinn og fá svo dæmda á sig vítaspyrnu og Fylkir kemst strax aftur yfir og bætti svo við öðru stuttu seinna.
Hvað þýða úrslitin?
Fylkir fer upp fyrir Fjölni og tyllir sér í efsta sætið í bili að minnsta kosti. Fjölnir missir af sínum fyrstu stigum í sumar.
Vondur dagur
Varnaleikur Fjölnis var ekki til útflutnings í kvöld og sóknarleikmenn Fylkis fengu trekk í trekk að leika lausum hala og það gerði það að verkum að Fylkir skoraði fimm mörk.
Dómarinn - 6
Fullt af stórum atvikum í kvöld. Fyrra vítið var hárrétt en hitt virkaði virkilega soft. Rauða spjaldið var óumflýjanlegt en Vilhjálmur hefði líklega átt að gefa Fylki víti í fyrri hálfleik.