SKÝRSLAN: Óvæntur sigur ÍBV gegn Blikum
Hvað réði úrslitum?
ÍBV liðið kom mjög skipulagt til leiks og var það agaður varnaleikur gestanna sem réði úrslitum í dag.
Bestu leikmenn
1. Júlíana Sveinsdóttir
Skorar frábært mark og var mjög góð varnarlega.
2. Guðný Geirsdóttir
Mjög örugg í sínum aðgerðum, steig varla feilspor.
Atvikið
Mark Júlíönu á 13. mínútu. Skot frá miðjum vallarhelming Breiðabliks. Þetta kom Blikum í opna skjöldu og náði ÍBV að verja forystuna vel eftir markið.
Hvað þýða úrslitin?
Úrslitin þýða það að Breiðablik fer niður í 4. sæti deildarinnar. ÍBV nær að koma sér upp í 7. sætið.
Vondur dagur
Telma Ívarsdóttir gerði mistök þegar ÍBV skoraði og kostaði það leikinn. Langskot frá Júlíönu Sveinsdóttur og boltinn fór yfir Telmu sem átti að gera betur.
Dómarinn - 9
Birgir Þór og aðstoðamenn hans dæmdu mjög vel í dag.