Stjarnan var sterkari aðilinn heilt yfir í leiknum en KR-ingarnir áttu góðar sóknir og færi sem hefðu vel getað skilað þeim sigri, þær vörðust og börðust vel allan leikinn. Stjörnukonur reyndu hvað þær gátu að koma boltanum í netið og að lokum eftir mikla þolinmæði náði reynsluboltinn Málfríður Erna að pota boltanum í netið eftir hornspyrnu og tryggja Garðbæingum stiginn þrjú.

Málfríður Erna skorar sigurmark leiksins í lok uppbótatímans og tryggir Stjörnunni sigurinn. Virkilega sætt fyrir Stjörnuna en líka svakalega sárt fyrir KR sem var svo nálægt því að vinna inn sterkt stig í botnbaráttunni á heimavelli.

Staða liðanna breytist lítið Stjarnan er enn í þriðja sætinu, 6 stigum frá toppnum.
Staðan á botninum er einnig óbreytt þar sem þrjú neðstu liðin töpuðu öll sínum leikjum í kvöld. KR er því enn í 9. sæti deildarinnar, sem er fallsæti, með 7 stig, einu stigi meira en Afturelding sem er á botninum.

Eingin einn leikmaður sem átti sérstaklega vondan dag, þær voru margar í Stjörnuliðinu sem hafa spilað betur en svo eftir góðan leik KR og mikla baráttu þá er það hrikalega vont að fara á koddann í kvöld án stiga.

Fínasti leikur og ekki mikið til að setja út á var stundum að hægja smá leiknum þegar það þurfti kannski ekkert endilega.