SKÝRSLAN: Markaþurrð á Selfossi
Hvað réði úrslitum?
Slök nýting framherja beggja liða í nokkrum álitlegum færum réði því að engin mörk voru skoruð í leiknum.
Bestu leikmenn
1. Auður Sveinbjörnsdóttir Scheving
Var virkilega traust í marki ÍBV. Sérstaklega í fyrri hálfleik þar sem að reyndi mikið á hana en hún lét flest skot Selfyssinga líta út fyrir að vera æfingabolta.
2. Bergrós Ásgeirsdóttir
Vann vel upp og niður völlinn og virtist vera eini leikmaðurinn á vellinum sem var til í 90 mínútur.
Atvikið
Í markalausum leik hlýtur það að vera óvænt en ánægjuleg endurkoma Hólmfríðar Magnúsdóttur á völlinn eftir að hafa eignast dóttur um miðjan mars.
Hvað þýða úrslitin?
Þau gera ekkert fyrir bæði lið.
Vondur dagur
Framlínur liðanna fá þetta skuldlaust en það er rannsóknarefni að ekki hafi eitt einasta færi verið nýtt í dag.
Dómarinn - 9
Hafði fullkomin tök á leiknum. Engin gul spjöld og þurfti einungis að flauta fimm aukaspyrnur.