Liðin skilja jöfn að hér í dag.

Viðtöl og skýrsla seinna í kvöld.

Óliver tekur aftur spyrnuna en boltinn er of langur og fer út fyrir endalínuna.

Óliver tekur spyrnuna en boltinn endar í annarri hornspyrnu.

Aron hleypur út til að handsama lausan bolta en rennur út úr teignum þegar hann rennir sér til að grípa boltann. Sýndist hann sleppa taki á boltanum á hárréttum tíma þegar hann var að renna út úr teignum.

Bergvin fær boltann inni í teignum og lætur vaða en Aron ver vel. Alexander fylgir síðan eftir en skýtur í stöngina.

Boltinn berst til Arons af vinstri kantinum inn í teiginn þar sem hann reynir skot en Elmar nær að blokka það í hornspyrnu. Það kemur síðan ekkert úr hornspyrnunni.

Smá darraðadans í teig Þórs þar sem ÍR er í ágætis séns að skora en varnarmenn Þórs ná að blokka skotin og á endanum er Bergvin rangstæður.

Boltinn berst til Emils í teignum hjá Þór eftir sendingu frá Aroni. Emil nær skoti á markið en Aron er vel á verði og ver boltann.

Rafael Victor á skot á markið innan úr vítateignum en boltinn fer beint á Vilhelm.

ÍR fær aukaspyrnu rétt fyrir framan miðjuna og Emil ætlar að gefa hann fyrir markið en sendingin er léleg og endar í markspyrnu.

Óliver tekur spyrnuna en boltinn fer út fyrir endalínuna.

Óliver tekur spyrnuna en hann fer í Kristófer og ÍR fær aðra hornspyrnu. Sá bolti endar með því að Guðjón reynir bakfallsspyrnu en hann hittir ekki boltann.

Árni Elvar reynir skot af svona 35 metrum sem fer hátt yfir markið.

Óliver á hérna sendingu inn í teiginn af vinstri kantinum á fjærstöngina þar sem Bragi rennir sér í boltann til að ná skotinu en skotið fer rétt framhjá marki.

ÍR byrjar með boltann og sækir í átt að

Engu bætt við í uppbótartíma. Þórsarar voru fljótir að komast yfir en annars hefur bara verið eitt alvöru færi í þessum leik og það var þegar Guðjón Máni skallaði framhjá marki af stuttu færi.

ÍR fær aukaspyrnu hægra megin á vellinum í fyrirgjafarstöðu. Óliver tekur spyrnuna en ÍR nær ekki skoti á markið.

Það hafa verið nokkur hálffæri síðustu mínúturnar hjá báðum liðum en vantar upp á þessa síðustu sendingu.

Óliver á hérna fyrirgjöf af vinstri kantinum sem ratar beint á Guðjón Mána sem er ódekkaður við markteiginn en skallar framhjá markinu. Hérna var auðveldara að hitta á markið.

Árni er í hægra hálfsvæðinu og sendir boltann þvert yfir teiginn beint á höfuðið hans Rafael Victor sem skallar boltann rétt framhjá marki.

Boltinn berst til Birkis rétt fyrir utan teig sem lætur vaða í markið en boltinn kemur varnarmann ÍR og Þór fær hornspyrnu. Ekkert kom síðan upp úr hornspyrnunni.

Rafael Victor með fínan sprett hérna í hægra hálfsvæðinu en Marc hreinsar í innkast.

Hornspyrnan rataði inn í teig og boltinn fór í fjærstöngina, sá ekki hver átti síðustu snertinguna fyrir það. Rafael Victor lúrði hins vegar á fjærstönginni og var nálægt því að komast í þennan bolta.

Sigfús á hérna fyrirgjöf af hægri kantinum sem Marc Mcausland hreinsar í hornspyrnu.

Eftir smá darraðadans í teignum með tilheyrandi skotum, sendingum og tæklingum nær Marc Mcausland skoti sem fer yfir markið.

Arnór Gauti á langa sendingu inn fyrir vörn Þórs á Braga Karl sem gefur boltann fyrir en enginn er í teignum. Stuttu seinna komast þeir síðan í færi ÍRingar en Aron ver í horn.

Óliver reynir að gefa boltann fyrir af vinstri kantinum en boltinn fer hátt yfir markið.

Kristófer keyrir inn í teig ÍR úr hægra hálfsvæðinu og sendir boltann fyrir markið en Vilhelm handsamar boltann.

Emil Nói fær hérna boltann fyrir utan teig Þórs og lætur vaða með ristinni en skotið er lélegt og fer framhjá.

Þór byrjar með boltann og það er Árni Elvar sem sparkar okkur af stað.

ÍR í hvítu og bláu og Þór í svörtu og rauðu.

Árni Freyr Guðnason gerir þrjár breytingar á liði ÍR. Marc Mcausland, Renato Punyed, Emil Nói Sigurhjartarson og koma inn í byrjunarliðið í stað Jordian G S Farahani, Alexander Kostic og Sæþórs Ívans Viðarssonar.

Sigurður Heiðar Höskuldsson gerir engar breytingar á liði gestanna frá síðasta leik.

Skagamennirnir Árni Marinó Einarsson og Jón Gísli Eyland Gíslason eru spámenn umferðarinnar en þeir hafa báðir verið að leika vel með ÍA í Bestu deildinni í sumar eftir að hafa hjálpað liðinu að komast upp í fyrra.

Árni Marinó Einarsson
ÍR 2 - 2 Þór
Þór nær í sterkt stig geng erfiðum ÍR-ingum, 2 rauð spjöld í þessum leik og sonur veðurfræðingsins, hann Marteinn Theodórsson, skorar 2 í þessum leik fyrir ÍR.


Jón Gísli Eyland Gíslason
ÍR 1 - 1 Þór
Þessi leikur fer 1-1 þar sem bæði liðin skora úr vítaspyrnu.

Arnar Ingi Ingvarsson er með flautuna í dag. Honum til halds og trausts á hliðarlínunum eru þeir Hreinn Magnússon og Magnús Garðarsson. Eftirlitsmaður er Jóhann Gunnar Guðmundsson.

1. Njarðvík 20 stig
2. Fjölnir 20 stig
3. Grindavík 13 stig
4. ÍBV 13 stig
5. ÍR 12 stig
6. Keflavík 11 stig
7. Afturelding 7 stig
8. Grótta 10 stig
9. Þór 9 stig
10. Leiknir 9 stig
11. Dalvík/Reynir 7 stig
12. Þróttur 6 stig

Komið sæl kæru lesendur og verið velkomin í beina textalýsingu frá 10. umferð í Lengjudeild karla þar sem ÍR tekur á móti Þór í Breiðholtinu.