SKÝRSLAN: Bræðurnir bestir og Jeffsy yngri farinn að láta til sín taka
Hvað réði úrslitum?
Þróttar voru grimmir. Þeir þurftu að vinna þennan leik og spyrna sér frá botninum og þeir gerðu það. Mikil stemning í þeirra liði sem fleytti þeim yfir línuna að þessu sinni. Það var ekki rosalega mikið sem skildi liðin að í frekar lokuðum leik.
Bestu leikmenn
1. Njörður Þórhallsson (Þróttur R.)
Var frábært í hjarta fimm manna varnar. Mjög svo öflugur og á skilið stórt hrós.
2. Hlynur Þórhallsson (Þróttur R.)
Bróðir Njarðar var einnig mjög góður í vörninni. Sterk tenging þarna á milli og stórt Þróttarahjarta en faðir þeirra var í gæslunni á leiknum.
Atvikið
Markið sem Jeffsy yngri skorar. Liam Daði Jeffs er kominn á blað fyrir Þrótt og verður þetta örugglega ekki hans síðasta mark. Sá bara markið og gerði það vel.
Hvað þýða úrslitin?
Þróttur fara úr neðsta sæti í það næst neðsta og líta hlutirnir aðeins betur út. Það var stemning eftir leik og menn gátu leyft sér að brosa. Eftir þrjá sigurleiki í röð kom loksins tap hjá Grindavík en liðið er núna í fimmta sæti með 13 stig.
Vondur dagur
Josip Krznaric gerði stór mistök þegar Þróttur skoraði en hann tapaði boltanum á afar slæmum stað. Sóknarleikur Grindavíkur var þá ekki upp á marga fiska gegn fimm manna vörn Þróttar.
Dómarinn - 7
Jóhann Ingi og hans teymi gerði vel í þessum leik. Svo sem ekki mjög erfiður leikur að dæma.