SKÝRSLAN: Óli's at the wheel
Hvað réði úrslitum?
Leiknismenn sköpuðu meira, voru líklegri og uppskáru að lokum sanngjarnan sigur. Heimamenn fengu allavega þrjá mjög góða sénsa en þeim brást bogalistin og það réði úrslitum.
Bestu leikmenn
1. Shkelzen Veseli
Átti nokkrum sinnum í leiknum alveg magnaða takta, frábærar hreyfingar með boltann. Í eitt af þeim skiptum átti hann skot sem fór í þverslána. Vann vítaspyrnuna sem reyndist mjög mikilvægt.
2. Róbert Quental Árnason
Róbert getur tekið skæri og unnið menn á nokkuð áreynslulítinn hátt. Hann skapaði talsvert í þessum leik en það sem mér þótti mest til koma var vanarvinnan því Róbert hjálpaði vel til baka. Jón Hrafn á líka skilið að vera nefndur hér, leikmaður sem ég er mjög hrifinn af, þekkir sín takmörk og er alltaf að bæta við sinn leik.
Atvikið
Vítaspyrnan, línubjörgunin og dauðafærið í restina hjá heimamönnum. Þetta fer allt saman í einn graut hér.
Hvað þýða úrslitin?
Þriðji sigur Leiknis í röð eftir að Óli Hrannar tók við sem aðalþjálfari. Dalvík verður í botnsæti deildarinnar ef Þróttur leggur Grindavík að velli í kvöld.
Vondur dagur
Áki Sölvason þarf að sýna meira ef Dalvík á að vinna leik. Áki er algjör lykilmaður í sóknarleiknum, átti alls ekkert slæman dag, en náði ekki að skapa eins mikið og oft áður og fékk eitt af bestu færum leiksins í fyrri hálfleiknum en náði ekki skoti framhjá Arnóri í vörn Leiknis.
Dómarinn - 7,5
Fannst Sigurður fínn, negldi þetta helsta, flest gul spjöld og vítadómurinn réttur sýndist mér.