SKÝRSLAN: Stórsigur Eyjamanna
Hvað réði úrslitum?
Eyjamenn voru betri bæði með og á móti vindinum og virtust kunna betur á vindinn heldur en leikmenn Keflavíkur.
Bestu leikmenn
1. Arnar Breki Gunnarsson
Skorar eitt í dag og leggur upp eitt. Var alltaf hættulegur og kom sér í margar góðar stöður. Hljóp og barðist allann tímann sem hann var inná eins og hann gerir alltaf.
2. Sigurður Arnar Magnússon
Steig vart feilspor í hjarta varnarinnar hjá Eyjamönnum og stýrði sínu liði vel. Hann skoraði einnig fyrsta mark leiksins sem var gríðarlega mikilvægt fyrir Eyjamenn að ná inn svona snemma í seinni hálfleik. Það eru samt fleiri sem gera tilkall. Oliver var mjög hættulegur og setur gott mark. Víðir átti einnig frábæra innkomu og skoraði tvö mörk undir lok leiksins.
Atvikið
Ekkert sérstakt atvik en Eyjamenn voru búnir að eiga nokkuð góð færi í fyrri hálfleik en inn vildi boltinn ekki. Svo að ég set hérna fyrsta mark Eyjamanna en leikmenn Keflavíkur gátu lítið sem ekkert eftir það.
Hvað þýða úrslitin?
Úrslitin þýða að ÍBV er enn inni í toppbaráttunni á meðan Keflavík gætu farið neðar í töfluna.
Vondur dagur
Lið Keflavíkur í fyrri hálfleik með vindinum. Maður hélt að þeir myndu mæta sterkari til leiks en strax frá upphafi til enda voru Eyjamenn miklu sterkari og leikmenn Keflavíkur koðnuðu einhvernveginn niður. Ég verð auðvitað líka að nefna veðrið hérna sem spilaði stórann þátt.
Dómarinn - 8
Mjög solid frammistaða. Erfiðar aðstæður hérna í dag en dómarinn skilaði þessu frá sér mjög fagmannlega.