Í leik KA gegn Fram í seinustu umferð var dæmt löglegt mark af KA í stöðunni 1-1. Sæbjörn Steinke talaði við dómarastjóra KSí, Þórodd Hjaltalín, eftir leikinn. Elías Ingi, dómari leiksins mat það svo að leikmaður KA hafi brotið á markmanni Fram en svo var ekki. „Elías Ingi tekur ranga ákvörðun, metur þetta vitlaust. Það verður að segjast eins og er að það er enginn KA-maður sem brýtur á markmanninum. Þetta er röng ákvörðun. Hann er að flauta á atvik sem gerist áður en Birgir fær boltann, dæmir á að KA-maðurinn sem stendur fyrir framan markmanninn haldi í hann og hindri hann í að komast út í boltann. Ég var eftirliti á leiknum og eins og ég sagði við Elías þá get ég ekki séð að það sé neitt leikbrot og Elías er alveg sammála því þegar hann sér þetta aftur, lítur öðruvísi út en upplifun hans var. Það var ekkert leikbrot þarna," sagði Þóroddur.

Blikar fóru í heimsókn í Garðabæ og gerðu 4-4 markasúpujafntefli! Blikarnir komust í 0-3 en Emil Atlason minnkaði muninn í 2-3 og þannig stóð í fyrri hálfleik. Í seinni hálfleik skoraði Kristófer Ingi fjórða mark Breiðabliks en Birnir Snær jafnaði metin á 80. mínútu og þannig fór leikur sá! KA fengu sjóðheita Framara í heimsókn í seinustu umferð. Í hálfleik var staðan 2-3 fyrir Fram en Sveinn Margeir náði að koma KA í 2-1 eftir 18 mínútur. Allt varð þó fyrir ekki og Fram sigraði leikinn 3-4 sem gerði það að þriðja tapleik KA í röð.

Tómas Guðmunds, fyrrum leikmaður Víkings ,var fenginn til að spá í spilin fyrir 11. umferðina og hafði þetta að segja um leikinn á Kópavogsvellinum. Breiðablik 2 - 2 KA (18:00 í dag) Þetta er alltaf X leikur. Djuric er búin að finna hnífasettið og er alltaf að fara setja allavega 2 mörk fyrir KA menn.

Breiðablik situr í 4. sæti deildarinnar eftir 10 leiki með 16 stig. Aðeins sex stig skilja Blika og KA, en KA situr í 9. sæti með aðeins 10 stig eftir 10 leiki. Blikar hafa sigrað fjóra leiki, gert fjögur jafntefli og tapað tveimur. KA hafa sigrað þrjá, gert eitt jafntefli og tapað sex.

Dómari leiksins er Þórður Þorsteinsson Þórðarson. Aðstoðardómararnir eru Ragnar Þór Bender og Ronnarong Wongmahadthai og fjórði dómari er Brynjar Þór Elvarsson. Eftirlitsmaður er Kristinn Jakobsson.

Verið hjartanlega velkomin í beina textalýsingu frá Kópavogsvelli þar sem Breiðablik og KA munu mætast í 11. umferð Bestu Deildar karla!