23. mín
Útsending Livey er komin í gang svo hefðbundin textalýsing tekur nú við.
21. mín
Einfalt og skilvirkt
Víðir Freyr Ívarsson (stoðsending: Ágúst Unnar Kristinsson)
Heimamenn brjótast upp völlinn hægra megin og koma honum inn á teiginn. Boltinn berst fyrir markið þar sem Víðir er mættur í hlaupið og setur boltann þægilega í netið úr markteignum.19. mín
MAAAARK!
Bergvin Fannar Helgason (stoðsending: Hákon Dagur Matthíasson)
Skalli úr teignum eftir þunga sókn ÍR. Bergvin aleinn og á ekki í nokkrum vandræðum með að skora.1. mín
Tæknin að stríða okkur smá.
Leikurinn er hafinn, lýsandi treystir á útsendingu Livey hér í dag og þar eru menn að glíma við smávægilega tæknilega örðugleika sem stendur. Mörk og markaskorar verða færð inn í úrslitaþjónustu þar til útsending dettur í loftið.
Fyrir leik
Spámaðurinn
Skagamaðurinn Andri Júlíusson, sem þjálfaði Kára síðustu ár, spáir í leikina að þessu sinni. Um leikinn í Breiðholti sagði Andri.
ÍR 1 - 1 Völsungur
Hrikalega sterkur sigur Völsunga síðast og komnir með blóð á tennurnar og hrífast af Græna Gímaldinu og stela jafntefli.
Fyrir leik
Tríóið
Jóhann Ingi Jónsson er með flautuna í Breiðholti í dag. Honum til aðstöðar eru Daníel Ingi Þórisson og Þráinn Jón Elmarsson. Gunnar Helgason tekur svo út störf þeirra og framkvæmd leiks sem eftirlitsmaður KSÍ.
Fyrir leik
Jójóið í 109
Maður veit aldrei hvaða útgáfu ÍR-ingar senda til leiks og sumarið hefur verið vægast sagt sveiflukennt. Liðið sem flengdi Aftureldingu í fyrstu umferð og saltaði HK í þeirri fimmtu hefur líka tapað sannfærandi fyrir Ægi og fengið harða útreið gegn Njarðvík.
Bót í máli er þó að lið ÍR lagði eitt heitasta lið deildarinnar í Gróttu í síðustu umferð og má vona þeirra vegna að betri taktur sé kominn í leik þeirra fyrir vikið. Það mun hins vegar allt koma í ljós síðar í dag hvort svo er eða ekki.
Fyrir leik
Hagstæð úrslit gætu lyft Húsvíkingum af botninum
Eftir brösótta byrjun á stigasöfnun í upphafi móts sótti lið Völsungs sinn fyrsta sigur á tímabilinu síðastu umferð. Stjörnum prýtt lið Njarðvíkur mætti til Húsavíkur og þurfti að gera sér að góðu að yfirgefa völlinn án stiga eftir 2-1 sigur Völsungs. Gamla brýnið í framlínu Völsungs Elfar Árni Aðalsteinsson reyndist þar hetja heimamenna en hann gerði sigurmark liðsins á 88. mínútu leiksins
Lið Völsungs situr fyrir leiki dagsins í Lengjudeildinni í 12. og síðasta sæti deildarinnar með 5 stig að loknum 9 leikjum. Næstu lið fyrir ofan Ægir og Grindavík eru þar fyrir ofan með 7 stig og gæti því sigur Völsungs og hagstæð úrslit úr leikjum Ægis og Grindavíkur lyft Húsvíkingum uppfyrir bæði lið í 10 sætið.
Fyrir leik
Húsvíkingar í heimsókn í 109
Heil og sæl kæru lesendur og verið hjartanlega velkomin í þessa beinu textalýsingu Fótbolta.net frá leik ÍR og Völsungs í Lengjudeild karla.
Flautað verður til leiks á Þarfaþingsvellinum klukkan 16:00