Sanngjarn sigur Grindavík/Njarðvík staðreynd í skemmtilegum fótboltaleik. Viðtöl og skýrsla koma inn síðar í kvöld.

Við siglum inn í uppbótartímann.

Þetta er bara að fjara út hérna, ÍBV ekkert líklegar til að minnka muninn.

Smá hiti milli bekkjanna hérna. Jón Óli að æsa í Gylfa.

Þá er ÍBV að undirbúa sína síðustu skiptingu.

Ellie Cofield með hörkuskot sem fer rétt yfir markið!

Leikurinn hefur aðeins dottið niður. Eyjakonur ekki náð að ógna af neinu ráði eftir að þær minnkuðu muninn í 4-2.

Avery með skot af mjög löngu færi, lítil hætta.

Hayden Colson var of lengi að fara út af og því þarf Santa Sanija Vuskane að bíða út af í mínútu.

Þá er Emma Nicole Phillips farin í miðvörðinn eftir að hafa skorað fernu.

Jón Óli ekki sáttur með að fá ekki brot. Segir leikmönnum sínum í kjölfarið að fara af meiri hörku í þetta.

Elísa Birta nýkomin inn á og fær þungt höfuðhögg. Vonandi er allt í lagi með hana.

Ása Björg með skot úr þröngu færi sem fer yfir markið.

Eva Ýr er að grípa allt sem Eyjakonur setja inn á teiginn.

Jessica Jean Hinton með ágætis tilraun sem fer fram hjá markinu. Besti kafli Eyjakvenna síðan á áttundu mínútu leiksins.

Eyjakonur ná að spila sig á bak við vörn heimakvenna. Boltinn dettur út fyrir Olgu Sevcovu sem er í ágætis skotfæri, en skotið fer beint á Evu Ýr í markinu.

Ótrúlegur fyrri hálfleikur að baki. ÍBV byrjaði betur og tók forystuna en svo hefur Grindavík/Njarðvík gjörsamlega tekið yfir leikinn og svarað með fjórum mörkum. ÍBV gerði fjórfalda breytingu núna áðan og líklega verður einhvers konar hárblásari í hálfleik.

Grindavík/Njarðvík nálægt því að bæta við fimmta markinu en Guðný ver vel í markinu.

ÍBV þarf að breyta einhverju, það er gjörsamlega verið að kaffæra þeim inn á vellinum.

ÍBV ER AÐ HENDA Í FJÓRFALDA SKIPTINGU. Þetta hef ég aldrei séð gerast áður í fyrri hálfleik. Það er enn nóg eftir af hálfleiknum. Vægast sagt athyglisvert.

Þess má geta að Emma er upprunalega varnarmaður en hún hefur tekið upp á því við og við að spila framar á vellinum. Hún skoraði til að mynda sjö mörk í Lengjudeildinni í fyrra og þar á meðal þrennu í leik gegn KR.

Birta Birgis með skot að marki sem Guðný Geirs grípur. ÍBV kemst ekki mikið áleiðis.

Það er gríðarlegur kraftur í heimakonum. Sækja hér hornspyrnu. Eru bara búnar að taka yfir leikinn.

Við sitjum í gámi á milli varamannabekkjanna. Gylfi Tryggvason, þjálfari Grindavík/Njarðvík, gríðarlega líflegur og lætur vel í sér heyra.

Allison Grace Lowrey sloppin í gegn Eva Ýr gerir vel að verja frá henni.

Grindavík/Njarðvík aðeins að ná að koma sér framar á völlinn.

Ása Björg fær boltann úti hægra megin og á sendingu fyrir markið en Eyjakonur skalla frá marki sínu.

Eyjakonur stjórna ferðinni. Hafa fengið nokkur föst leikatriði en ekki gert mikið við þau enn sem komið er.

Avery setur boltann inn á teiginn en Eva Ýr kemur út og grípur þetta.

ÍBV fær aukaspyrnu á ágætis stað. Skotfæri fyrir utan teig.

Farið af stað!

Liðin eru að ganga út á völl.

Það eru fimm mínútur í leik. Aðstæður fyrir fjölmiðlamenn eru ekki alveg þær bestu þannig að maður mun örugglega ekki sjá alveg allt sem gerist í leiknum. En það verður bara að hafa það.

18:00 Þór/KA-Fram (VÍS völlurinn)
18:00 Grindavík/Njarðvík-ÍBV (Nettóhöllin - gervigras)
19:15 Valur-Víkingur R. (N1-völlurinn Hlíðarenda)

Landsliðskonan María Catharina Gros Ólafsdóttir spáir í leikina sem framundan eru í Bestu deild kvenna.

Grindavík/Njarðvík 0 - 0 ÍBV
Markalaus leikur, 0-0.

Vonum að þessi spá rætist ekki... við viljum mörk.

30. Guðný Geirsdóttir (m)
2. Ragna Sara Magnúsdóttir
5. Avery Mae Vanderven (f)
7. Edda Dögg Sindradóttir
10. Kristín Klara Óskarsdóttir
11. Helena Hekla Hlynsdóttir
13. Sandra Voitane
14. Olga Sevcova
20. Allison Patricia Clark
27. Fridrikka Marie Clementsen
35. Allison Grace Lowrey

14. Eva Ýr Helgadóttir (m)
2. Ellie Coffield
5. Natasha Anasi
6. Birta Birgisdóttir
12. Hannah McLaughlin
17. Sophia Faith Romine
18. Ása Björg Einarsdóttir
22. Sigríður Emma F. Jónsdóttir (f)
27. Hildur Katrín Snorradóttir
28. Emma Nicole Phillips
29. Hayden Colson

Hérna eru liðin sem komu upp úr Lengjudeildinni í fyrra að mætast. Bæði þessi lið hafa átt ágætis sumar til þessa en ÍBV situr í fjórða sæti með 21 stig á meðan Grindavík/Njarðvík er með fimm stigum minna í fimmta sætinu.

Fyrri leikur þessara liða í sumar fór fram 25. maí og endaði með 1-1 jafntefli. Natasha Moraa Anasi kom Grindavík/Njarðvík yfir en Allison Patricia Clark jafnaði fyrir Eyjakonur í lokin.

Það er úrhellisrigning í Njarðvík og JBÓ völlurinn, heimavöllur kvennaliðs Grindavíkur/Njarðvíkur og karlaliðs Njarðvíkur sem er grasvöllur, er á floti og því óleikfær.

Rignt hefur frá því í gærkvöldi og var tekin ákvörðun um að leikur Grindavíkur/Njarðvíkur og ÍBV yrði færður á gervigrasvöllinn fyrir utan Nettóhöllina.

Komiði sælir kæru lesendur og velkomnir í beina textalýsingu frá viðureign Grindavík/Njarðvík og ÍBV í Bestu deild kvenna. Hér munum við fylgjast með öllu því sem gerist í leiknum.