SKÝRSLAN: Þórsarar flugu heim með þrjú dýrmæt stig
Hvað réði úrslitum?
Í raun og veru þetta eina mark sem Þórsarar skoruðu. ÍBV misnotaði vítaspyrnu og fór illa með nokkur færi. Þórsarar skora svo markið sem skilur liðin að rétt áður en flautað var til hálfleiks og sigldu svo sigrinum heim í síðari hálfleik.
Bestu leikmenn
1. Aron Birkir Stefánsson
Varði vel allan leikinn í marki Þórsara, hélt hreinu og var mjög öruggur í sínum aðgerðum. Hann átti svo mjög mikilvægar vörslur seint í síðari hálfleik sem hjálpaði til við að landa þremur stigum.
2. Sigfús Fannar Gunnarsson
Skoraði markið mikilvæga sem skildi liðin að.
Atvikið
Það er oft talað um að mörk breyti leikjum og Vicente Valor fær gullið tækifæri til að koma ÍBV í 1-0 þegar þeir fengu vítaspyrnu sem hann klúðraði. Stuttu seinna skora Þórsarar úrslitamarkið.
Hvað þýða úrslitin?
Þórsarar fara upp fyrir ÍBV og skilja ÍBV eftir í fallsæti. Þór er með 18 stig í tíunda sæti en geta farið aftur í fallsæti ef KA vinnur á morgun. ÍBV er í 11. sæti með 17 stig og eru án í sigurs í átta leikjum.
Vondur dagur
Verð henda þessu á Vicente Valor fyrir að klúðra vítaspyrnunni á 30. mínútu leiksins.
Dómarinn - 7
Fínn leikur hjá ÞÞÞ, kannski full spjaldaglaður í garð Þórsara í fyrri hálfleik en annars heilt yfir nokkuð góður dagur hjá honum.