Vá, þetta er rosalegt.

Grindavík sigrar HK og er með fjögurra stiga forskot á Völsung sem mætir ÍR klukkan 16:00.

Mikael Máni hetjan í dag, þvílíkt augnablik á annarri mínútu uppbótartíma.

Damir vinnur hornspyrnu fyrir Grindvíkinga.

Skist að þremur mínútum sé bætt við.

Heiðar Snær í mjög góðri stöðu inn á teig HK en nær ekki að finna samherja. Þorsteinn Aron kemst fyrir og setur boltann aftur fyrir.

Illa farið með góða stöðu.

Langt innkast frá HK, Þorsteinn Aron vinnur fyrsta bolta en Hjörvar Daði handsamar svo boltann.

Haraldur Björgvin með skalla sem fer rétt framhjá marki HK, Arnar Breki nálægt því að komast í boltann í kjölfar skallans.

Stefán Jón gerir mjög vel þegar HK er að sleppa í gegn, Stefán kemst fram fyrir Radic og hreinsar í innkast.

Arnór Gauti setur boltann í Karl Ágúst sem var í pressunni og boltinn fer í hliðarnetið á marki heimamanna.

Gestirnir ósáttir en ég sé þetta ekki nægilega vel. Atvikið átti sér stað utarlega í vítteig Grindavíkur.

Tumi með skot eftir horn en Grindvíkingur kemst fyrir. HK finnur lykt af særðu dýri og liggur á heimamönnum þessa stundina.

Tumi á svo annað skot eftir næsta horn en það fer yfir.

Aron Skúlí í ágætis stöðu, spilar með Heiðari Snæ en þeir ná ekki að búa til skotfæri. Mjög góð sending inn á Aron í aðdragandanum, sá ekki hver átti hana.

Radic reynir skot fyrir utan teig Grindavíkur, lélegt skot framhjá.

Ólafur Örn er að leika sér að eldinum aftast hjá HK, en hann hefur sloppið til þessa. Rétt nær að hreinsa fram völlinn í þetta skiptið.

Aron Skúli í góðri stöðu en Þorsteinn Aron truflar hann og skotið er ekki gott.

Fallhlífarbolti inn á teig HK og það er alveg hægt að sleppa öllum slíkum því það er enginn betri en Ólafur Örn í því að eiga við svoleiðis bolta.

Þorsteinn Aron klaufalegur inn á eigin vítateig en Aron Skúli nær ekki að nýta sér það.

Grindvíkingar með öll tök á þessum leik.

Grindvíkingar eru með þriggja marka forystu og eiga leik gegn Ægi í lokaumferðinni.

Ægir hefur tapað 14 af síðustu 15 leikjum sínum og hefur fengið 20 mörk í síðustu þremur leikjum sínum.

Ágætis jafnvægi í leiknum síðustu mínútur. Grindavík með mjög þægilega forystu. Hjörvar Daði ekki ennþá þurft að verja í marki Grindavíkur.

Þetta er í annað sinn í sumar sem Grindavík nær að skora þrjú mörk á heimavelli. Fyrri leikurinn var gegn Völsungi í 4. umferð.

Þakka Livey lýsendum fyrir þennan mola.

Jóhann Þór í dauðafæri eftir fyrirgjöf, sýndist það vera frá Tuma, en Jóhann setur boltann röngu megin við stöngina.

Haraldur Björgvin með skot fyrir utan teig. Virkilega góð sókn og eiginlega lélegt að hafa ekki fengið betra færi en þetta úr henni. Ibra Camara með frábæra sendingu inn á Aron Skúla í aðdragandanum.

Skyndisókn hjá Grindavík, Rúnar með sendingu inn á Aron Skúla sem reynir skot en hittir ekki markið. Ekki frábært færi en um að gera láta vaða bara.

Aron að spila vel.

Þorvaldur Smári með frábæra sendingu inn fyrir á Tuma sem nær ekki alveg nægilega góðri móttöku en HK fær horn.

HK fær svo strax annað horn. Seinni spyrnan frá Ívari Erni fer yfir allan pakkann.

Stungusending inn fyrir vörn HK en Ólafur Örn kemur út og leysir þetta vel.

Stefán Jón tekur vitlaust innkast og HK fær boltann. Klaufalegt.

Aron Skúli með flotta fyrirgjöf af hægri kantinum, finnur Harald Björgvin inn á teignum en skallinn fer yfir. Þetta var mjög gott færi.

HK fær tvær hornspyrnur í röð, Dominik Radic nálægt því að komast í dauðafæri á fjærstönginni eftir fyrra hornið.

Atli Þór Gunnarsson á svo mjög fína tilraun í kjölfar seinna hornsins en finnur ekki fjærhornið - skot rétt framhjá.

Rúnar Ingi með misheppnaða tilraun eftir fyrirgjöf frá Aroni Skúla. Hittir boltann illa og Ólafur Örn grípur boltann auðveldlega.

Leikurinn er nokkuð opinn.

HK fæ sína aðra hornspyrnu. Ekkert kemur úr henni og Grindvíkingar keyra upp.

Ólafur Örn kaldur aftast hjá HK, er kominn vel út fyrir teig og fær sendingu, fær á sig pressu en gerir vel að fara framhjá henni og halda boltanum svo í spili.

Grindavík fær hornspyrnu, Heiðar átti fyrirgjöf og Aron Skúli á tilraun sem fer af Birgi Steini og aftur fyrir.

Ekkert kom upp úr horninu.

Fín útfærsla á hornspyrnunni og Tumi á svo skot sem fer framhjá marki heimamanna.

Atli Þór með tilraun sem fer af varnarmanni Grindavikur og snýst aftur fyrir í hornspyrnu.

Það er fallegt veður í Grindavík.

Bæði lið átt eina sókn til þessa en ekkert færi komið. Núna á HK aukaspyrnuá vallarhelmingi Grindvíkinga.

Í kjölfarið kemur svo langskot frá Ívari Erni en það var alltaf á leið framhjá.

Leikurinn er í beinni á Livey og er stuðst við þá útsendingu í lýsingu á leiknum.

Það eru þrjár breytingar á liði HK frá sigrinum 3-0 á Þrótti í síðustu umferð. Arnþór Ari og Atli Hrafn eru í banni og Breki Hólm Baldursson er ekki heldur með. Ívar Örn Jónsson kemur inn og ber fyrirliðabandið í fjarveru Arnþórs. Atli Þór Gunnarsson og Alexander Örn Guðmundsson koma einnig inn.

Hjá Grindavík eru tvær breytingar frá 6-1 tapinu gegn Fylki. Ingi Þór Sigurðsson og Gunnleifur Orri Gunnleifsson taka sér sæti á bekknum. Arnór Gauti Úlfarsson og Rúnar Ingi Eysteinsson koma inn í liðið.

Þeir Arnþór Ari Atlason og Atli Hrafn Andrason taka út leikbann hjá HK í dag.

Guðbjörn Smári Birgisson er spámaður umferðarinnar. Hann spáir sjöunda markalausa jafntefli Grindavíkur í sumar.

Grindavík 0 - 0 HK
Enn eina markalausa jafnteflið hjá Grindavík. Þeir verða einbeittir að halda markinu sínu hreinu í þessum leik eftir skellinn gegn Fylki og uppskera 1 stig.

Twana Khalid Ahmed er með flautuna í dag og honum til aðstoðar eru þeir Kári Mímisson og Bergur Daði Ágústsson. Dómaraeftirlitsmaður er Sigurður G Friðjónsson.

Grindavík er í 10. sæti deildarinnar með 21 stig, stigi meira en Völsungur sem er í fallsæti. Sigri Grindavík í dag og Völsungur sigrar ekki ÍR þá tryggir Grindavík sætið sitt í deildinni.

HK er í 4. sæti og mun enda í 4. eða 5. sætinu þegar deildarkeppninni lýkur. Liðið mætir því annað hvort 2. eða 3. sætinu í undanúrsitum umspilsins.

Góðan daginn lesendur góðir og verið þið velkomnir í beina textalýsingu frá leik Grindavíkur og HK í 21. umferð Lengjudeildarinnar.

Leikurinn hefst klukkan 14:00 og fer fram á Stakkavíkurvelli.