Og þar með er leik lokið! Risastór sigur fyrir Selfyssinga! Sem eru þá 6 stigum fyrir ofan Kára sem spila núna eftir rúmar 5 mínútur!

En til hamingju Haukar með bikarinn, ég þakka fyrir mig, viðtöl og skýrsla koma á eftir!

Litla færið enn og aftur! Ótrúlegt að Haukar séu ekki yfir í dag! Boltinn fer beint á Filip sem ver hann en missir hann aðeins frá sér. Lítið eftir!

Daði aftur með skot, en það fer yfir, leikurinn búinn að róast aðeins en þetta verða áhugaverðar lokamínútur

Reynir Freyr kom einhvern tímann inná hjá Selfoss, ég sá nú ekki fyrir hvern!

Bjarki með svakalegt skot rétt yfir!

Þaaarna munaði mjóu, Daði aftur líklegur en skýtur í varnarmann og úr verður eitthvað klafs sem Filip nær að stoppa. Nú loksins fer að heyrast vel í stúkunni Haukamegin!

Filip eitthvað sofandi, fær skallabolta til baka og slær hann bara til baka og missir hann frá sér þegar hann dýfur í hann! Haukar ná hins vegar ekki að nýta sér þetta og skjóta boltanum hátt yfir markið!

Haukar pressa og pressa, ná tveimur góðum færum en Selfyssingar gera vel að verjast þeim, í þriðja skotinu skjóta Haukar yfir og í markspyrnu

Frábær varsla hjá Franz þarna! Viðar nær frábæru skoti í vinstra hornið en Franz nær hendinni í hann og sendir í horn!

Flott aukaspyrna hjá Daða Snæ, en filip gerir vel að verja hann, þrátt fyrir að hafa ekki náð að grípa þennan

Daði fær hendi í andlit og liggur niðri og vantar aðhlynningu. Sé ekki hver fer í hann

Góður bolti fyrir en hann fer í markspyrnu

Hálfleikur kominn hér á Ásvöllum!

Mikill hiti hérna! Arnar dómari er að missa stjórn og er sjálfur orðinn brjálaður! Hreinlega öskrar á Hall!

Tómas klárlega tekinn niður í teig einn á móti marki og allt brjálast!!

Daði liggur niðri og svo er einhver pirringur á bekkjunum. Aðstoðardómari segir einhverjum á bekk Hauka sýnist mér að hann fái rautt ef hann hættir ekki? Hverju, það veit ég ekki, en bekkurinn á Selfossi hefur sýnt meiri læti hefur mér fundist. Daði er hins vegar staðinn upp og leikur heldur áfram!

Einhver darraðardans inn íteig en boltinn endar í markspyrnu

Frábær bolti inn í teig frá Ísaki sýndist mér inn í teig! Daði nær skallanum en hann fer aðeins til hliðar og endar á að mér sýndist Sigurði sem er aðeins of seinn og nær ekki almennilegri snertingu á hann

Lítið gerst eftir þessar hornspyrnur

Boltinn fer á Daða sem tekur skotið í fyrsta, en þeir bjarga nánast á línu, frákastið endar síðan á Sigurði sýndist mér sem skýtur honum í varnarmann í annað horn.

Spila stutt og síðan kross inn í teig, við tekur einhver darraðardans sem endar í markspyrnu! Haukamenn eru með smjörþefinn af marki hérna

Tekin stutt, vinna sig inn í teig við vinstri stöng, reyna skotið en ná ekki að beina honum að markinu

Haukar verið duglegir að sækja seinustu mínútur

Jón Arnar Barðdal vinnur boltann af varnarmanni og tekur skotið af löngu færi! Boltinn fer hins vegar rétt yfir!

Góða skemmtun!

Leikmenn Selfoss standa heiðursvörð fyrir Hauka, en einnig labba leikmenn út í sínum uppáhalds treyjum vegna Treyjudagsins sem var haldinn hátíðlegur í gær!

Gauji Lýðs gerir hvorki meira né minna 9 breytingar á sínu byrjunarliði! Franz Sigurjónsson kemur inn fyrir meiddan Svein Óla, en einnig koma inn Máni Mar, Jón Arnar Barðdal, Ísak Jónsson, Sigurður Hrannar, Daði Snær, Tómas Atli, Einar Karl og Pablo nokkur Punyed!

Óli Stefán gerir nákvæmlega engar breytingar á sínu liði frá leiknum gegn Magna!

Arnar Þór Stefánsson er með flautuna frægu í dag, en honum til aðstoðar verða Sigurður Schram og Kristofer Bergmann!

Grétar Óskars, einn af þáttastjórnendum Harksins henti í spá fyrir 2. deild og spáði þessum 3-2!

View this post on Instagram

A post shared by Harkið (@harkid.hladvarp)

Gauji Lýðs, þjálfari Hauka, var gestur í Útvarpsþættinum hjá Elvari Geir og Tómasi Þór í gær og talaði um tímabilið í ár

Þessi leikur gæti einnig sagt mikið um markakóngstitilinn, en eins og stendur er Viðar Örn efstur með 21 mark og er aðeins fjórum mörkum frá því að jafna markametið í 2. deild samkvæmt Víði Sig!

Sigurður Hrannar fylgir fast á eftir með 19 mörk, en báðir leikmenn hafa verið á eldi í sumar!

Sigurður Hrannar er búinn að spila 1181 mínútur í sumar sem þýðir að hann er að skora á 62. mínútna fresti, en VÖK hefur spilað 1457 mínutur sem þýðir að hann skorar á 69. mínútna fresti.

Eitt er víst að þetta verða spennandi tveir seinustu leikir varðandi þetta að gera! Sigurður Hrannar Þorsteinsson

Viðar Örn Kjartansson

Þetta er mjög mikilvægur leikur fyrir Selfoss, en þeir eru í harðri baráttu við Kára að færa sig upp um deild, en ef Selfoss gerir jafntefli í dag og Kári tapar sínum leik gegn mögnuðum Magnamönnum á Grenivík, þá er Suðurlandið komið aftur upp í Lengjudeildina eftir eins árs fjarveru!

Haukar eru sigurvegarar 2. deildar, en það varð stærðfræðilega ljóst í seinustu umferð þegar þeir sigruðu Víking Ó. 1-4. Ljóst er að bikarinn fer á loft á Ásvöllum í dag og því ber að fagna!

Þeir hafa verið á toppnum síðan eftir 4. umferð og enginn náð að steypa þeim af stóli! Þeir hafa ekki tapað leik síðan í lok júlí þegar þeir töpuðu 2-1 gegn Fjölni.

Það verður heil umferð spiluð í dag í 2. deild, fjórir leikir spilaðir núna kl 14:00, og tveir kl 16:00
2. deild karla
14:00 Fjölnir-Þróttur V. (Extra völlurinn)
14:00 Hvíti riddarinn-Kormákur/Hvöt (Malbikstöðin að Varmá)
14:00 KFG-Víkingur Ó. (Miðgarður)
14:00 Haukar-Selfoss (BIRTU völlurinn)
16:00 Magni-Kári (Grenivíkurvöllur)
16:00 KFA-Dalvík/Reynir (SÚN-völlurinn)

Heil og sæl og verið hjartanlega velkomin í þráðbeina textalýsingu frá BIRTU-vellinum hér á Ásvöllum, en hér munu Haukar fá Selfyssinga í heimsókn í 21. umferð 2. deildar!