Venezia, sem leikur í B-deild á Ítalíu, var að semja við þriðja íslenska leikmann sinn.
Jakob Franz Pálsson er kominn til félagsins frá Þór á Akureyri.
Jakob kemur til Venezia á láni og á ítalska félagið svo möguleika á að kaupa hann að láninu loknu.
Jakob er bakvörður sem varð 18 ára í síðasta mánuði. Hann spilaði 14 leiki í deild og bikar með Þórsurum á síðustu leiktíð. Jakob á að baki leiki með U15, U16 og U17 landsliðum Íslands.
Fyrir hjá Venezia eru Bjarki Steinn Bjarkason og Óttar Magnús Karlsson. Liðið er sem stendur í 12. sæti B-deildarinnar.
Athugasemdir