Liverpool er í viðræðum við RB Leipzig og Sunderland um kaup á hægri bakverðinum Lutsharel Geertruida.
Fabrizio Romano og Florian Plettenberg, hjá Sky í Þýskalandi, greina frá því að Liverpool sé þegar búið að ná samkomulagi við Geertruida.
Hann er 25 ára gamall hægri bakvörður sem getur einnig spilað sem miðvörður. Liverpool er í miklum meiðslavandræðum í vörninni en Jeremie Frimpong var síðastur til að meiðast þegar hann þurfti að fara af velli snemma leiks gegn Qarabag í Meistaradeildinni á dögunum.
Geertruida er á láni hjá Sunderland frá Leipzig og Sunderland ætlar að fá mann í staðin fyrir hann áður en félagið samþykkir að leyfa honum að fara.
Hann er uppalinn hjá Feyenoord en hann spilaði þar undir stjórn Arne Slot.
Athugasemdir
