Hollenski varnarmaðurinn Jurrien Timber kom Arsenal í 2-1 gegn nágrönnunum í Chelsea á Emirates-leikvanginum í kvöld og þá er búið að reka Pedro Neto af velli.
Öll mörkin í leiknum hafa komið eftir hornspyrnu. William Saliba skoraði eftir hornspyrnu á 21. mínútu og þá jafnaði Chelsea metin er Piero Hincapie setti boltann í eigið net eftir hornspyrnu undir lok fyrri hálfleiks.
Arsenal komst aftur yfir á 66. mínútu er Timber setti boltann í netið eftir hornspyrnu Declan Rice. Þriðja hornspyrnumark dagsins á Emirates.
Fjórum mínútum síðar var Pedro Neto, leikmaður Chelsea, rekinn af velli með sitt annað gula spjald fyrir heimskulegt brot. Hann var hálf ringlaður og eins og hann hafi gleymt því að hann væri á gulu, en fyrra spjaldið fékk hann aðeins nokkrum mínútum áður.
Hér fyrir neðan má sjá mark Timber og rauða spjaldið á Neto.
Sjáðu markið hjá Timber
Sjáðu rauða spjaldið á Neto
Athugasemdir
