Byrjunarlið Leeds og Burnley: Þrjár breytingar hjá heimamönnum

Leeds fær Burnley í heimsókn í fyrsta leik 35. umferðar úrvalsdeildarinnar í kvöld. Burnley er fallið en Leeds getur farið langt með að tryggja sér áframhaldandi veru í deildinni.

Það eru þrjár breytingar á liði Leeds sem tapaði gegn Chelsea í enska bikarnum um síðustu helgi. Karl Darlow kemur aftur í markið fyrir Lucas Perri, Gabriel Gudmundsson er meiddur og Brenden Aaronson sest á bekkinn. Joe Rodon og Anton Stach koma inn í liðið.

Byrjunarlið Burnley er óbreytt frá tapi gegn Man City sem felldi liðið endanlega. Hannibal Mejbri og Zeki Amdouni snúa aftur á bekkinn en Mike Tresor og Lyle Foster eru ekki í hópnum.