Charlton er í fallsæti, tveimur stigum frá öruggu sæti, en verður án þriggja leikmanna þegar keppnin hefst aftur. Þar á meðal er markahæsti leikmaður liðsins, Lyle Taylor, sem hefur skorað 11 deildarmörk á tímabilinu.

Taylor hefur sagt Bowyer frá því að hann sé ekki tilbúinn að taka áhættuna á því að meiðist. Samningur hans við Charlton rennur út í sumar og stefnir hann á að komast að hjá sterkara liði.

„Þrír af okkar leikmönnum segjast ekki ætla að spila. Það er erfitt fyrir mig og erfitt fyrir okkur," sagði Bowyer við Talksport.

Chris Solly, sem verður einnig samningslaus í sumar, ætlar ekki heldur að spila og það er sama sagan af David Davis, sem er í láni hjá Charlton frá Birmingham.