Fotbolti.net
01.07.15 - 16:14
Elvar Geir Magnússon

Danny Blind nýr þjálfari Hollendinga (Staðfest)

Danny Blind og Guus Hiddink.

Danny Blind og Guus Hiddink.

Canon

Mynd: Getty Images

Danny Blind hefur verið ráðinn nýr landsliðsþjálfari Hollands. Hann tekur við af Guus Hiddink sem hætti störfum á mánudag eftir aðeins tíu mánuði í starfi.
Blind var aðstoðarmaður Hiddink en hann lék 42 landsleiki á leikmannaferli sínum en þar lék hann fyrir Ajax og Spörtu í Rotterdam.

Einnig er hann fyrrum þjálfari Ajax.

Hiddink (68 ára) tapaði fimm leikjum og vann fjóra af þeim 10 leikjum sem hann stýrði en Holland er í þriðja sæti í undankeppni fyrir EM 2016.

Hann baðst afsökunar á því að skilja við liðið fimm stigum á eftir toppliði Íslands og þremur á eftir Tékklandi í A-riðli undankeppninnar.

Fyrsti mótsleikur Hollands undir stjórn Blind verður gegn Íslandi á Amsterdam Arena þann 3. september en stöðuna í riðlinum má sjá hér að neðan.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.