Fotbolti.net
01.07.15 - 19:15
Arnar Geir Halldórsson

Sunderland kaupir Coates af Liverpool (Staðfest)

Coates sáttur með skiptin

Coates sáttur með skiptin

Canon

Mynd: Getty Images

Enska úrvalsdeildarliðið Sunderland hefur keypt úrúgvæska varnarmanninn, Sebastian Coates, frá Liverpool.
Coates þekkir vel til hjá Sunderland þar sem hann var á láni hjá félaginu stærstan hluta síðustu leiktíðar. Hann mátti þó verma varamannabekkinn löngum stundum en kom inn í liðið þegar Dick Advocaat tók við liðinu og hjálpaði Sunderland að halda sæti sínu í deildinni.

Þetta eru fyrstu kaup Sunderland í sumar en Advocaat ákvað nýverið að hætta við að hætta og mun því stýra liðinu á næstu leiktíð.

Coates byrjaði aðeins 17 leiki á sínum ferli hjá Liverpool en miklar vonir voru bundnar við hann á sínum tíma enda þótti hann einn efnilegasti varnarmaður heims.

Þessi stóri og stæðilegi miðvörður er 24 ára gamall og gerir fjögurra ára samning við Sunderland. Kaupverðið er talið vera í kringum þrjár milljónir punda.

Heimild: Sunderland

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.