Það var stórleikur á dagskránni í Grikklandi í kvöld þegar Olympiacos og PAOK mættust.

Íslenski landsliðsmaðurinn Sverrir Ingi Ingason var í byrjunarliði PAOK og hann kom þeim yfir á 29. mínútu. Sverrir kom boltanum í netið eftir aukaspyrnu.

PAOK var með forystuna þar til á 64. mínútu en þá skoraði Frakkinn Mathieu Valbuena úr vítaspyrnu fyrir Olympiacos og jafnaði þar með metin, ekki var meira skorað og 1-1 lokatölur í þessum toppslag.

Olympiacos er í toppsætinu með 28 stig, PAOK er með jafn mörg stig en markatala Olympiacos er betri.