Haaland, Toney, Gomes, Diomande, Gyokeres, Southgate, O'Neil, De Zerbi og fleiri góðir í slúðri dagsins
   mið 01. desember 2021 15:44
Sæbjörn Þór Þórbergsson Steinke
Óli skaut létt á Esbjerg: Allt sem hafði verið á undan var ekki nógu gott
Ætla ekki hafa neina skoðun á því hvernig það hefur gengið
Óli Kristjáns
Óli Kristjáns
Mynd: Fótbolti.net - Hafliði Breiðfjörð
Óli hefur unnið sem sérfræðingur í kringum stórmót og Meistaradeildina.
Óli hefur unnið sem sérfræðingur í kringum stórmót og Meistaradeildina.
Mynd: Skjáskot
Ég ætla ekki hafa neina skoðun á því hvernig það hefur gengið
Ég ætla ekki hafa neina skoðun á því hvernig það hefur gengið
Mynd: Fótbolti.net - J.L.
Ólafur Kristjánsson hafði verið frá þjálfun frá því í maí þegar Davíð Snorri Jónasson hafði samband fyrir verkefni U21 árs landsliðsins í þessum mánuði. Óli aðstoðaði Davíð í verkefninu og hafði gaman af, en meira af því síðar.

Óli var þjálfari Esbjerg tímabilið 2020-2021 en var látinn fara í lok tímabilsins eftir að eigendaskipti áttu sér stað hjá Esbjerg. Auk þess náði Esbjerg ekki markmiði sínu sem var að komast aftur upp í deild þeirra bestu í Danmörku. Óli tók við Esbjerg þegar hann var þjálfari FH.

Fótbolti.net ræddi við Óla í dag. Hvað er að frétta af Ólafi Kristjánssyni?

Ekkert að stressa sig í leit að nýju starfi
„Bara allt gott, ég er staddur á Íslandi bara," sagði Óli sem spurður var hvort hann væri í leit að starfi erlendis. Óli opnaði með klassísku Óla Kristjáns svari.

„Leit, hvað þýðir það? Þetta er nú ekki þannig að maður sendi inn umsóknir eða slíkt. Ég er laus á markaðnum og velti fyrir mér hvað er í boði í fyrsta lagi og hvað mig langar að gera í öðru lagi eða omvent. Ég er búinn að vera mjög rólegur í tíðinni síðan í maí, er ekkert að stressa mig þannig séð."

Sagt nei við tilboðum
Hvað er það sem þig langar að gera? Langar þig frekar að starfa erlendis?

„Það er, eins og staðan er núna, svolítið óskilgreint. Ég ákvað þegar tíminn hjá Esbjerg var búinn að taka mér frí, taka smá pásu til að hlaða batteríin og skoða hvað ég vildi gera næst ef ég gæti ráðið því. Ég sagði nei við öllu á þeim tíma, nokkur dæmi sem komu upp en ég var ekki spenntur fyrir því. Svo hef ég bara haldið áfram í því og er með umboðsmann í því að skoða hvað er laust og hvað myndi passa mér."

Ekki svekktur en skaut léttum skotum
Varstu svekktur með hvernig þetta endaði hjá Esbjerg?

„Svekktur... nei, nei. Það komu nýir eigendur sem vildu gera hlutina á sinn hátt. Það var allt ómögulegt sem búið var að gera áður, illa rekið, léleg þjálfun, ómögulegur leikstíll og slakur árangur. Þeir tóku bara við og settu sína menn inn. Ég segi svona... það komu nýir menn inn og tóku svolítið bratt yfir og allt sem hafði verið á undan var ekki nógu gott."

„Þeir tóku inn Þjóðverja, Hyballa, sem er ekki lengur og það er kominn annar."

„Ég var ekki svekktur því ég hugsa að það hefði verið erfitt fyrir mig að sjá mig í þessu „setup-i" sem þeir eru með núna. Þegar tíminn líður frá þá er ég ekkert svekktur með það."


Veit ekki hvers vegna
Það var mikið talað um að Esbjerg ætlaði sér sæti í efstu deild. Var árangurinn ástæðan fyrir því að þú varst látinn fara?

„Ég hef aldrei komist að því hvort það var þess vegna eða ekki. Við vorum í mjög góðri stöðu þegar seinni hluti tímabilsins byrjaði eftir jólahléið. Þá voru byrjaðar þreifingar að inn væru að koma nýir eigendur."

„Við urðum í þriðja sæti á eftir liðum sem voru betri, Viborg og Silkeborg. Þau hafa sýnt mjög góða hluti í úrvalsdeildinni en það var svo sem engna bilbug á mér að finna að halda bara áfram og gera atlögu með ágætis hóp. Viborg og Silkeborg voru búin að vera með sama hóp í nokkur ár og það er bara það sem þarf í þessu."

„Nýju eigendurnir vildu taka þá stefnu að spila á yngri leikmönnum og svo framvegis. Ég ætla ekki hafa neina skoðun á því hvernig það hefur gengið,"
sagði Óli.

Fréttaritari ýtti ekki á Óla frekar varðandi árangur Esbjerg á leiktíðinni en liðið er í 8. sæti deildarinnar eftir sautján leiki og þarf að gera vel til að tryggja sér sæti í efra umspilinu eftir áramót.
Athugasemdir
banner
banner
banner
banner