Líklegt byrjunarlið U21 - Löskuð miðja og Amin á bekknum?

Stór skörð eru höggvin í miðju liðsins þar sem fyrirliðinn Eggert Aron Guðmundsson er frá vegna meiðsla og liðsfélagi hans hjá Brann, Kjartan Már Kjartansson, er sömuleiðis ekki í hópnum vegna meiðsla.

Fótbolti.net spáir því að Tómas Orri Róbertsson, leikmaður FH, og Logi Hrafn Róbertsson, leikmaður Varnamö, komi inn á miðjuna í þeirra stað.

Ágúst Orri Þorsteinsson kemur aftur inn í hópinn en hann gaf ekki kost á sér í síðasta verkefni þar sem hann hafði nýlega verið keyptur til Excelsior í Hollandi. Honum er jafnframt spáð byrjunarliðssæti.

Undirritaður mætti á Pepsí-völlinn fyrr í dag og tók viðtöl við leikmenn. Amin Cosic baðst undan viðtali og gefur það vísbendingu um að hann gæti verið á bekknum á morgun.

Viktor Bjarki Daðason er spáð á bekknum en Lúðvík Gunnarsson og Óli Kristjáns hafa veðjað á Benóny Breka Andrésson, leikmann Stockport, til þess að byrja frammi ásamt Daníel Tristan í síðustu tveimur leikjum og skoraði Benóny bæði gegn Sviss og Færeyjum.