Aston Villa, Tottenham, Manchester United, Chelsea og Arsenal eru meðal félaga sem munu líklega reyna að styrkja sig í janúarglugganum. Guardian tók saman lista yfir tíu leikmenn sem ensk úrvalsdeildarfélög eru líkleg til að reyna við í janúar.
Dusan Vlahovic (21), Fiorentina - Serbinn skoraði sitt tólfta mark á tímabilinu á þriðjudagskvöld. Afskaplega eftirsóttur sóknarmaður sem hefur meðal annars verið orðaður við Arsenal og Tottenham.
Amadou Haidara (23), RB Leipzig - Ralf Rangnick, stjóri Manchester United, þekkir þennan öfluga miðjumann vel enda fékk hann leikmanninn til RB Leipzig á sínum tíma.
Marcelo Brozovic (29), Inter - Lykilmaður á miðju Inter en samningur hans við félagið rennur út í sumar og Tottenham er að líta í kringum sig eftir miðjumanni.
Franck Kessie (24), Milan - Samningaviðræður við Milan ganga hægt og líklegast er talið að hann færi sig um set.
Niklas Süle (26), Bayern München - Chelsea hefur áhuga á þessum hávaxna þýska varnarmanni sem verður samningslaus næsta sumar.
Andrea Belotti (27), Torino - Oft verið orðaður við ensku úrvalsdeildina enda myndi hann henta deildinni vel. Sóknarmaðurinn er sem stendur á meiðslalistanum en Arsenal og West Ham hafa áhuga.
Corentin Tolisso (27), Bayern München - Annar Bæjari sem er að verða samningslaus. Tottenham hefur áhuga á miðjumanninum en hann hefur ekki fest sæti sitt í byrjunarliðinu, meðal annars vegna meiðsla.
Denis Zakaria (25), Borussia Mönchengladbach - Manchester City hefur lengi haft auga á svissneska miðjumanninum.
Julian Alvarez (21), River Plate - Með 17 mörk og 6 stoðsendingar í 19 deildarleikjum á þessu tímabili. Aston Villa hefur í nokkurn tíma reynt að fá Argentínumanninn.
Athugasemdir