Crystal Palace heimsækir West Ham á sunnudaginn og verður Eberechi Eze áfram fjarri góðu gamni. Ekki er dagsetning á endurkomu hans en Roy Hodgson segist ekki búast við því að hann þurfi að fara í aðgerð.

Þá sleit miðjumaðurinn Cheick Doucoure hásin í 2-1 tapinu gegn Luton á dögunum.

„Þetta er slæmt. Hann gæti verið frá út tímabilið en hann er ungur og er fljótur að jafna sig. Hann er í langtímameiðslum og við munum sakna hans,“ segir Hodgson.

Þá eru Jes Rak-Sakyi og Dean Henderson áfram á meiðslalistanum.