Fótbolti.net

Kristian mætir funheitur í kanadíska kuldann - „Það besta sem maður gerir“

Aron Einar fann fyrir áhyggjum og hræðslu sinna nánustu - „Óþægilegt að vera í landi þar sem eru sprengingar“

Lúðvík ánægður að fá traustið: Riðillinn er galopinn

Gísli Gotti: Átti gott samtal við Arnar

Daníel Tristan hreinskilinn: Hún hefur alveg verið betri

Viktor Bjarki: Geggjað að sjá nafnið en pæli ekki mikið í þessu

Júlíus Mar: Hausinn vildi fara út

„Menn þurfa að vera á tánum til að spila í Víkingstreyjunni“

„Enginn sem óskar sér þess að mæta Víkingi“

Gæðastjórinn ætlar að reikna út xF

Birkir Már: Hefði sagt takk en nei takk væri hann ekki þarna

Víkingar unnu FH og Stjörnuna í dag - „Gera mér virkilega erfitt fyrir að velja í liðið“

Jökull: Yrði mjög sérstakt ef við myndum breyta einhverju þar

Heimir: Vel mannaðir, með frábæran þjálfara og ætla sér stóra hluti

Óskar Hrafn: Hef fullan skilning á því að okkur sé spáð 6. sæti

„Flottasta treyja sem við höfum spilað í"

„Fór frá því að spila yfir í það að mega ekki vera með á æfingum“

Sölvi: Teljum okkur vera með þannig hóp í ár

Stærsti samningur í sögu Víkings

Gylfi vonast til að vera mættur til að vera í landsliðinu - „Vonandi sem lengst“

mán 02. mars 2026 10:13

Snæbjört Pálsdóttir

Sveindís Jane: Erum ekki að fara vinna þær í því og það er í lagi

Af æfingu um helgina.

Mynd: KSÍ

Mynd: Fótbolti.net - Hafliði Breiðfjörð

Íslenska kvennalandsliðið mætir heimsmeisturum Spánar á útivelli í undankeppni HM á morgun. Sveindís Jane Jónsdóttir er lykilmaður í íslenska liðinu og ræddi hún við Fótbolta.net í gær.

„Þetta er mjög spennandi, alltaf gaman að spila svona leiki og á móti svona góðum leikmönnum. Ég held að við séum allar mjög spenntar og klárar í verkefnið. Við vitum að þetta verður mjög erfitt og maður verður líka bara reynslunni ríkari. Það er gaman að máta sig á móti svona góðum leikmönnum," segir Sveindís.

Það má búast við því að spænska liðið verði meira með boltann í leiknum á morgun og íslenska liðið sættir sig við það. Einn helsti styrkleiki Sveindísar er hraðinn sem hún býr yfir og hún er tilbúin að nota hann.

„Við vitum allar að við erum ekki að fara vinna þær í því að halda boltanum og við erum í lagi með það - þær mega halda í boltann. Við viljum nýta þær sóknir sem við fáum og vonandi get ég nýtt hraðan minn, og aðrir leikmenn líka, þannig að við náum að setja inn einhver mörk og vonandi halda hreinu."

„Undirbúningurinn hefur verið nokkuð góðar, búnar með þrjár æfingar og það hefur gengið vel, við höfum farið mjög djúpt yfir varnarleikinn því við vitum að þær eru með frábæra leikmenn í sínu liði. Við vitum að við þurfum að verjast lengi, í 90 mínútur plús. Við höfum líka farið aðeins yfir sóknarleikinn og séð hvar er hægt að sækja á þær. Það er galopið fyrir okkur, þær halda boltanum mjög vel og kannski nenna ekki jafnmikið að verjast - við verðum að nýta okkur það," segir Sveindís.

Leikurinn á morgun hefst klukkan 18:00 og verður í beinni textalýsingu hér á Fótbolti.net og beinni útsendingu á RÚV. Spilað verður á Estadio Municipal de Castalia sem er í Castellon de la Plana.

Viðtalið í heild sinni má sjá í spilaranum efst.