Fotbolti.net
02.07.15 - 08:00
Arnar Geir Halldórsson

Claudio Beauvue til Lyon (Staðfest)

Nýjasti liðsmaður Lyon

Nýjasti liðsmaður Lyon

Canon

Mynd: Getty Images

Framherjinn Claudio Beauvue er genginn til liðs við Olympique Lyon en hann kemur til félagsins frá Guingamp.
Beauvue vakti athygli fyrir vasklega framgönu með Guingamp í Ligue 1 á síðustu leiktíð en hann skoraði 27 mörk í öllum keppnum og varð meðal annars fimmti markahæsti leikmaður deildarinnar.

Hann var orðaður við Tottenham og West Ham fyrr í sumar en þessi 27 ára leikmaður var að spila í frönsku B-deildinni fyrir tveim árum síðan.

Beauvue gerir fjögurra ára samning við Lyon sem lenti í 2.sæti Ligue 1 á síðustu leiktíð og mun því leika í Meistaradeild Evrópu.

Þetta eru önnur kaup Lyon í sumar en áður hafði liðið fjárfest í Jeremy Morel sem kom frá erkifjendunum í Marseille.

Heimild: Lyon

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.