Jose Mourinho, stjóri Tottenham, segir að hann myndi ekki skipta á Giovani Lo Celso, miðjumanni liðsins, og Bruno Fernandes, miðjumanni Manchester United.
Tottenham var í viðræðum við Sporting Lisabon um kaup á Bruno Fernandes í fyrra en á endanum kom Lo Celso til félagsins frá Real Betis.
Tottenham var í viðræðum við Sporting Lisabon um kaup á Bruno Fernandes í fyrra en á endanum kom Lo Celso til félagsins frá Real Betis.
Manchester United keypti Fernandes í janúar og hann hefur komið að átta mörkum í ensku úrvalsdeildinni nú þegar á meðan Lo Celso hefur hvork skorað né lagt upp í 21 deildarleik með Tottenham.
Aðspurður hvort að hann sjái eftir að Tottenham hafi misst af Fernandes sagði Mourinho: „Ég veit ekki neitt um þetta en ef þetta er satt og Giovani Lo Celso var sá leikmaður sem kom í staðinn (fyrir Fernandes) þá myndi ég ekki skipta á Giovani Lo Celso fyrir neinn leikmann."
„Ég myndi ekki skipta á honum fyrir neinn leikmann. Ekki bara Bruno heldur neinn leikmann."
Athugasemdir