fim 02. desember 2021 17:00
Elvar Geir Magnússon
Dómstóll úrskurðar að leikir í La Liga megi ekki fara fram utan Spánar
Hard Rock völlurinn í Miami en þar átti Barcelona að spila deildarleik.
Hard Rock völlurinn í Miami en þar átti Barcelona að spila deildarleik.
Mynd: Getty Images
Spænska fótboltasambandið hefur unnið dómsmál gegn spænsku deildinni, La Liga.

Fyrir tveimur árum tilkynnti deildin að leikur Barcelona og Girona myndi fara fram í Miami í Bandaríkjunum. Leikurinn átti að vera leið til að kynna spænskan fótbolta í bandarískum markaði.

Ekkert varð úr því að leikurinn yrði í Bandaríkjunum þar sem spænska sambandið stöðvaði það og sagði að allir leikir í spænsku deildinni ættu að vera spilaðir á Spáni.

Dómsmál fór af stað í kjölfarið og héraðsdómsstóllinn í Madríd úrskurðaði í dag að allir deildarleikir yrðu að vera spilaðir á Spáni. Margir fótboltaáhugamenn í landinu gleðjast yfir þessari niðurstöðu.
Athugasemdir
banner
banner
banner
banner