Kalidou Koulibaly missir af leikjum Napoli í desember og byrjun janúar
Senegalski varnarmaðurinn Kalidou Koulibaly verður frá næstu fimm til sex vikurnar vegna meiðsla aftan í læri.
Koulibaly fór meiddur af velli á 80. mínútu er Napoli gerði 2-2 jafntefli við Sassuolo í gær og fór hann í myndatöku í dag.
Þar kom í ljós tognun aftan í læri og verður hann ekki með liðinu næstu fimm eða sex vikur.
Þetta er gríðarlegt áfall fyrir Napoli, sem er á toppnum, en Koulibaly hefur verið einn besti leikmaður deildarinnar á þessu tímabili og var meðal annars valinn leikmaður mánaðarins fyrir september.
Napoli er í efsta sæti með 36 stig, stigi meira en Milan sem er í öðru sæti.
Athugasemdir
