03.01.20 - 19:00
Ívan Guðjón Baldursson
Perin og Behrami komnir til Genoa (Staðfest)
Mattia Destro á leiðinni
Mynd: Getty Images
Mynd: Getty Images
Genoa byrjar janúargluggann á að styrkja sig fyrir komandi átök í fallbaráttu ítölsku deildarinnar.
Búið er að staðfesta komu markvarðarins Mattia Perin á lánssamningi frá Juventus sem gildir út tímabilið.
Perin, 27 ára, var hjá Genoa frá 15 ára aldri þar til hann var keyptur til Juve fyrir 15 milljónir evra sumarið 2018. Hann varð undir í byrjunarliðsbaráttunni við Wojciech Szczesny og Gianluigi Buffon og hefur aðeins spilað 9 deildarleiki fyrir Ítalíumeistarana margfalda.
Perin, sem á tvo A-landsleiki að baki fyrir Ítalíu, tekur væntanlega byrjunarliðssætið af Ionut Radu, sem er hjá Genoa að láni frá Inter. Perin hefur verið meiddur síðustu níu mánuði.
Þá er svissneski miðjumaðurinn Valon Behrami kominn á frjálsri sölu eftir misheppnaða dvöl hjá FC Sion. Behrami er 34 ára gamall og hefur leikið fyrir félög á borð við Lazio, Napoli og West Ham á ferlinum.
Behrami verður hjá Genoa út tímabilið og er búist við að Mattia Destro gangi í raðir félagsins á næstu dögum frá Bologna. Hann mun einnig koma á lánssamningi.
Genoa er búið að reka tvo þjálfara á tímabilinu og situr í botnsæti Serie A deildarinnar með 11 stig eftir 17 umferðir.
Perin, 27 ára, var hjá Genoa frá 15 ára aldri þar til hann var keyptur til Juve fyrir 15 milljónir evra sumarið 2018. Hann varð undir í byrjunarliðsbaráttunni við Wojciech Szczesny og Gianluigi Buffon og hefur aðeins spilað 9 deildarleiki fyrir Ítalíumeistarana margfalda.
Perin, sem á tvo A-landsleiki að baki fyrir Ítalíu, tekur væntanlega byrjunarliðssætið af Ionut Radu, sem er hjá Genoa að láni frá Inter. Perin hefur verið meiddur síðustu níu mánuði.
Þá er svissneski miðjumaðurinn Valon Behrami kominn á frjálsri sölu eftir misheppnaða dvöl hjá FC Sion. Behrami er 34 ára gamall og hefur leikið fyrir félög á borð við Lazio, Napoli og West Ham á ferlinum.
Behrami verður hjá Genoa út tímabilið og er búist við að Mattia Destro gangi í raðir félagsins á næstu dögum frá Bologna. Hann mun einnig koma á lánssamningi.
Genoa er búið að reka tvo þjálfara á tímabilinu og situr í botnsæti Serie A deildarinnar með 11 stig eftir 17 umferðir.
