Howe: Tonali virkilega ánægður hjá Newcastle

„Hann er virkilega ánægður hjá Newcastle. Það er erfitt fyrir mig að tala um hluti sem ég veit ekki mikið um," segir Eddie Howe um ítalska miðjumanninn Sandro Tonali.

Fjallað hefur verið um áhuga Arsenal á Tonali og þá er sagt að Newcastle gæti einnig fengið tilboð frá Chelsea og Manchester City í næsta glugga.

„Ég get bara talað um Sandro sem einstakling og leikmann, og hvernig hugarfar han er núna. Ég spjallaði við hann og hann er í góðum málum."

Tonali sagði sjálfur í nóvember að hann væri ánægður hjá Newcastle en það væri erfitt að fullyrða eitthvað um framtíðina.