Alfreð Elías Jóhannsson, þjálfari Selfoss, var sáttur í leikslok eftir 1-0 sigur sinna stelpna gegn KR í Pepsi Max-deildinni í kvöld.
Hólmfríður Magnúsdóttir skoraði eina mark leiksins í fyrri hálfleik.
Hólmfríður Magnúsdóttir skoraði eina mark leiksins í fyrri hálfleik.
Lestu um leikinn: Selfoss 1 - 0 KR
„Frábær þrjú stig. Þetta var ekki besti leikurinn okkar, KR var betri aðilinn í leiknum. Við höfum markaskorara sem að heitir Hólmfríður og hún potaði inn einu, það skilur að," sagði Alfreð eftir leikinn í kvöld.
„Það var bara þungt yfir þessu hjá okkur, við vorum bara þungar. KR var bara ferskari og betra liðið."
Selfoss situr í fjórða sæti deildarinnar eftir leikinn í kvöld og segir Alfreð liðið komið á þann stað þar sem að það vill vera.
„Já, nú þurfum við bara að taka okkur smá frí frá boltanum. Það er búið að spila marga leiki á fáum dögum og þetta er búið að vera erfitt. Við erum tilbúin í Eyjar!
Alfreð segir að Selfoss ætli að styrkja sig í glugganum.
„Það mun eitthvað gerast, eigum við ekki að segja það. Hvort það verði einn, tveir eða þrír. Það mun eitthvað gerast," sagði Alfreð að lokum.
Athugasemdir