Ísland um helgina - Víkingur og Breiðablik geta orðið Íslandsmeistarar

Breiðablik hefur fengið tækifæri til að verða Íslandsmeistari í Bestu deild kvenna í tveimur síðustu umferðum en liðið tapaði í bæði skiptin.

Liðið fær þriðja tækifærið í kvöld þegar liðið fær Víking í heimsókn. Víkingur hefur verið á svakalegu skriði og hefur unnið sex af síðustu sjö leikjum sínum.

Víkingur getur orðið Íslandsmeistari í Bestu deild karla um helgina. Valur og Stjarnan eru sjö stigum á eftir Víkingi þegar þrjár umferðir eru eftir. Valur færr Stjörnuna í heimsókn á morgun og Víkingur fær FH í heimsókn á sunnudaginn. Breiðablik heldur í vonina að ná Evrópusæti en liðið er sex stigum frá því, Breiðablik fær Fram í heimsókn.

KR og Afturelding eru í mikilli hættu á að falla. Liðin mætast á morgun og sigurliðið getur komist upp úr fallsæti ef Vestri tapar gegn KA á sunnudaginn.