Mig hefur dreymt um þetta síðan ég var lítill
Skoraði eitt mark í sumar, sigurmarkið gegn Keflavík.
Ég stefni á að vera áfram úti og á ár eftir af samningi
„Ekkert annað en vonbrigði, sérstaklega eftir byrjunina. Þá vonaðist maður eftir meiru, en þetta var ekki nóg í þeta skiptið" sagði Oliver Stefánsson um tímabilið hjá ÍA. Oliver lék með ÍA á láni frá sænska félaginu Norrköping í sumar.
Oliver byrjaði nítján leiki með ÍA í sumar, ellefu sinnum var honum skipt af velli og fjórum sinnum kom hann inn á. Oliver hefur glímt við meiðsli í mjöðm sem eru enn að plaga hann.
Oliver byrjaði nítján leiki með ÍA í sumar, ellefu sinnum var honum skipt af velli og fjórum sinnum kom hann inn á. Oliver hefur glímt við meiðsli í mjöðm sem eru enn að plaga hann.
„Þetta var hugsað sem 'recovery process' fyrir mig og ég vissi af því að ég var ekki að fara dominate-a eða neitt slíkt. Ég ætlaði bara að gera mitt besta og það byrjaði vel. Ég byrjaði heill en svo datt ég strax út í 3. umferð, veikindi og vesen. Það var ekki gaman. Stundum þurfti maður að fara út af í hálfleik, stundum þurfti maður að fara út af á þrítugustu mínútu. Þetta var mikið upp og niður, maður vonaðist eftir meira jafnvægi en maður náði mörgum leikjum og það var það sem ég vildi fyrst og fremst. Ég vildi ná leikjum í líkamann og er því sáttur með það, en svo hefði maður alltaf getað gert betur í hinum og þessum leikjum."
„Þetta var kaflaskipt, maður var að byggja upp og byrjaði að spila meira og meira en svo komu bakslög og maður byrjaði því alltaf frá byrjun. Það var svolítið erfitt að þurfa að byrja aftur að byggja upp mínútufjöldann. Það voru vonbrigði en svona er þessi bolti."
Oliver lék einn leik með ÍA árið 2018 áður en hann var seldur til Norrköping. Hvernig var að koma núna til baka og spila í gulu treyjunni?
„Það var geðveikt, fyrstu leikirnir þar sem var fullt af stuðningsmönnum. Mig hefur dreymt um þetta síðan ég var lítill, alltaf beðið eftir þessari upplifun. Eftir að leið á mótið þá byrjaði að fækka í stúkunni, það var leiðinlegt en maður skilur það upp að vissu marki. Það er alltaf gaman að spila fyrir heimaklúbbinn sinn."
Oliver fer um helgina og æfir með Norrköping út mánuðinn. Nýr þjálfari (Glen Riddersholm) tók við liðinu í ágúst og vill hann fá að sjá menn á æfingasvæðinu áður en menn fara í frí í desember.
„Ég á ár eftir af samning, við sjáum bara hvað þjálfarinn segir. Það er ekkert vitað hvar ég spila, ég stefni á að vera áfram úti og á ár eftir af samningi. Ef ég stend mig þá vonandi vilja þeir spila mér og þá verð ég áfram úti. En maður veit aldrei hvað nýr þjálfari segir."
Oliver segir að menn frá Norrköping hafi fylgst með sér í sumar. Hann fór til Svíþjóðar í sumar og þá var farið yfir leiki hans hjá ÍA með honum. „Þeir voru búnir að klippa og allt og mjög professional hjá þeim. Ég er mjög sáttur með það."
Oliver lék bæði sem miðvörður og djúpur miðjumaður í sumar. Hann lítur þó eingöngu á sig sem miðvörð. „Ég er bara hafsent, 100%. Stundum þarf maður að leysa hitt og þetta og maður gerir það bara eftir bestu getu. En ég er hafsent í grunnin," sagði Oliver.
Viðtalið við hann má sjá í heild sinni í spilaranum að ofan. Hann talar þar um U21 landsliðið og Hákon Arnar Haraldsson sem skorað í Meistaradeildinni í gær.
Athugasemdir
