Fotbolti.net
04.02.21 - 10:55
Elvar Geir Magnússon

Ragnar Leósson aftur í Fjölni (Staðfest)

Ragnar Leósson aftur í Fjölni (Staðfest)
Canon

Mynd: Fótbolti.net - Hafliði Breiðfjörð

Ragnar Leósson hefur yfirgefið Ringköbing í Danmörku og samið við Fjölni í Grafarvogi.

„Ragnar, sem er fæddur árið 1991, er reynslumikill og fjölhæfur leikmaður sem við í Fjölni þekkjum vel en hann spilaði með félaginu árin 2013-2015 við góðan orðstír," segir í tilkynningu Fjölnis.

Grafarvogsliðið féll úr Pepsi Max-deildinni í fyrra og leikur í Lengjudeildinni á komandi tímabili.
„Ragnar hefur m.a. spilað 212 KSÍ leiki á ferlinum, skorað í þeim 28 mörk, undanfarin ár hefur hann spilað með Ringköbing í Danmörku. "

„Knattspyrnudeild Fjölnis býður Ragnar hjartanlega velkominn aftur í Grafarvoginn og væntir þess að þetta samstarf muni reynast farsælt."

Ragnar er Skagamaður og hefur spilað fyrir ÍA, Leikni, HK og fleiri lið hér á landi.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.