Kári Sigfússon á leið í Fylki

Kári Sigfússon er á leið í Fylki. Leó Ernir Reynisson, vinur Kára, greinir frá tíðindunum á X og Fótbolti.net hefur fengið þau staðfest.

Kári kemur til uppeldisfélagsins eftir að hafa spilað með Keflavík síðustu tímabil. Hann er 23 ára kantmaður sem var valinn besti leikmaður Keflavíkur á síðasta tímabili. Hann skoraði alls tíu mörk fyrir Keflavík sem vann sér inn sæti í Bestu deildinni.

Hann var orðaður við fleiri félög í vetur, þar á meðal í efstu deild, en hefur ákveðið að semja við Fylki. Það var einnig áhugi á honum frá Finnlandi og AB í Danmörku.