banner
   lau 04. apríl 2020 21:00
Sæbjörn Þór Þórbergsson Steinke
Heimild: Vísir 
Dýraverndarsinni gagnrýnir Depay: Ætti að fjarlægja myndirnar
Mynd: Getty Images
„Okkur þykir miður að Depay hafi birt þessa mynd. Það er ekki náttúrulegt að haga sér svona með villt dýr. Dýrin kveljast," sagði Sanne Kujpers sem starfar fyrir dýraverndunarsamtök í Hollandi.

Memphis birti mynd á Instagram í vikunni og fékk það hörð viðbrögð frá dýraverndarsinnum. Á myndinni er Depay ásamt gæludýri heima hjá sér. Gæludýrið er óhefðbundið en hann á lígur. Lígur er afkvæmi tígrisynju og karlljóns.

„Við vonum að hann fjarlægi myndirnar, þetta gefur ekki gott fordæmi. Villt dýr eiga heima í náttúrunni, þau eru ekki hér til að skemmta okkur og við eigum ekki að ýta undir svona lagað," bætir Kujpers við.

Depay gefur lítið fyrir gagnrýnina: „Fyrir fólk sem veit ekki staðreyndir; hafið hljótt. Lígrar eru ekki villt dýr. Þeir fæðast ekki í náttúrunni. Ég held að þeir myndu ekki einu sinni geta lifað úti í náttúrunni," segir Depay.

View this post on Instagram

What happens when a liger hangs out with a Lion?

A post shared by Memphis Depay (@memphisdepay) on


Athugasemdir
banner
banner
banner
banner
banner