Joe Cole, fyrrum landsliðsmaður Englands, og eiginkona hans, Carly Cole, leggja svo sannarlega sitt af mörkum í baráttunni gegn kórónuveirunni.
Jake Humphrey, sem stjórnar oft umræðunni í fótboltaþáttum hjá BT Sport, greinir frá því á Twitter hvað Cole er að gera til að leggja sitt af mörkum.
Hann segir að Cole og Carly hafi safnað 300 þúsund pundum fyrir góðgerðarmál. Þau hafi einnig keypt 50 þrívíddarprentara til að hægt sé að prenta út hjálmgrímur fyrir lækna.
Þau hafi þá líka aðstoðað heilbrigðisstarfsfólk með því að senda því næringarríkan mat, skaffað barnapössun fyrir það og boðið upp á sálfræðimeðferð.
Fallega gert hjá Cole og eiginkonu hans. Cole hætti í fótbolta árið 2018. Hann lék á ferli sínum með félögum á borð við West Ham, Chelsea og Liverpool.
Joe Cole and his wife have set up a charity. 300k raised.
— Jake Humphrey (@mrjakehumphrey) April 4, 2020
- Bought 50 3D printers to print thousands of medical visors for frontline NHS staff.
- Sent nutritious food direct to hospital staff.
- providing childcare to NHS staff
- offering therapy to NHS staff
What a guy 👏👏
Athugasemdir