Ansu Fati, ungstirni Barcelona og spænska landsliðsins, hefur samþykkt að gangast undir aðgerð á hné sem gæti endað ferilinn hans snemma.
Hluti af brjóskinu í vinstra hné Fati verður fjarlægt vegna slæmra hnémeiðsla sem hafa verið að angra hann í marga mánuði.
Þetta er afar sjaldgæf aðgerð en Jamie Redknapp fór einnig í hana á sínum ferli. Redknapp þurfti að leggja skóna snemma á hilluna og á erfitt með að skokka í dag.
Samuel Umtiti fór einnig í svipaða aðgerð þegar hann var yngri. Hann varð einn af bestu miðvörðum heims í kjölfarið en hefur nú misst dampinn og lendir reglulega í meiðslum vegna slæms hnés.
Það er þó jákvætt að körfuboltastjörnur á borð við Chris Paul og Kobe Bryant fóru í sömu aðgerð og héldu áfram að gera góða hluti.
Athugasemdir
